Xitay korona wirusi seweblik pul-mu'amile we soda merkizi bolghan shangxey shehirini taqaydighan boldi

Muxbirimiz erkin
2022.03.28
Share on WhatsApp
Share on WhatsApp

Xitay hökümiti korona wirusining shiddetlik ‍örlishi seweblik ‍bözining ‍eng chong pul-mu'amile we soda merkizi bolghan shangxey shehirini taqaydighanliqini élan qilghan. Chet'el taratqulirining xewer qilishiche, nopusi 26 milyonluq shangxey shehiri xitayning “Nöl korona wirusi” siyasitining sinaq meydanigha aylan'ghan. Shangxey shehiri korona wirusi yuqumining yéngi sanliq melumati élan qilin'ghandin kéyin pütün sheherni taqap, 9 kün ichide ikki basquchluq korona wirusi siniqi élip baridighanliqini bildürgen.

Da'irilerning éytishiche, pütün sheher xu'angpo deryasini chégra qilghan halda sherq we gherb, dep ikki yuqum rayonigha ayrilidiken. Xewerde, birinchi basquchluq tekshürüshining 28-marttin 1-aprélghiche, ikkinchi basquchluq tekshürüshning 1-marttin 5-martqiche élip bérilidighanliqi, bu jeryanda ammiwi qatnash eslihelirini ‍öz ichige alghan qatnash alaqisi, shirket, zawutlarning ishtin toxtaydighanliqi, peqet yémeklik teminleydighan we mulazimet qilidighan orunlarning buningdin mustesna ikenliki bildürülgen. Melum bolushiche, yéqinqi bir aydek waqittin béri korona wirusi bilen éliship kelgen shangxey shehiride, ötken shenbe yeni 26-mart küni yuqumning tarqilishi eng yuqiri nuqtigha yetken.

Bir künning ichide késellik alamiti yoq yuqumdarlar 2631 ge yétip, shu küni xitay miqyasida bayqalghan bu xil yuqumdarlarning 60 pirsentini teshkil qilghanidi. Közetküchilerning éytishiche, shangxeyde bayqalghan yuqum sani xelq'araliq ‍ölchem boyiche anche köp hésablanmisimu, biraq “Nöl korona wirusi” siyasitini yolgha qoyup kelgen xitay hökümiti omumyüzlük kontrol qilishni yolgha qoyush arqiliq xelqni acharchiliqta qoyush bilen eyiblinip kelgen. Da'iriler bu yil 1-ayda ‍uyghur élining qorghas nahiyeside bayqalghan yuqumdimu pütün ili wadisini taqighanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.