Хитайниң тор җасуслири америка дөләт мәҗлиси әзалириниңму елхәт сандуқиға һуҗум қилған

Вашингтондин мухбиримиз әркин тәйярлиди
2023.08.17

Йеқинда хитай тор җасуслириниң микрософтниң херидари қияпитигә киривелип, америка ташқи ишлар министирлиқи хадимлириниң елхәт алақисини оқуғанлиқи мәлум болғаниди. “вашингтон почтиси” гезитиниң ашкарилишичә, хитай тор җасуслири америка ташқи ишлар министирлиқи хадимлири билән чәклинипла қалмай, америка дөләт мәҗлиси әзалириниңму шәхси вә сиясий елхәт алақисигә еришкән. Хәвәрдә, хитай тор җасуслириниң җумһурийәтчи авам палатаси әзаси, авам палатаси һәрбий ишлар комитетиниң әзаси дон бейконниң шәхси вә сиясий елхәт алақилиригә еришкәнлики билдүрүлмәктә. Дон бейкон 14-авғуст твиттерда йоллиған учурида, америка федератсийә тәкшүрүш идарисиниң өзини хитай тор җасуслириниң униң елхәт алақисини хаккерлиғанлиқидин вақипландурғанлиқини ейтқан. Униң ейтишичә, хитай тор җасуслири микрософтниң хаталиқидин пайдилинип, бу йил 5-ай билән 6-ай арисида униң елхәт алақисини хаккерлиғаникән.

 Небраска штатидин болған җумһурийәтчи авам палата әзаси дон бейкон, илгири авам палатасиниң уйғур районидики мусулманларни бастурушта биваситә җавабкарлиқи бар хитай әмәлдарлирини җазалаш лайиһәсигә қоллап аваз бәргән. У әйни вақитта твиттерға йоллиған учурида, өзиниң ембарго лайиһәсини қоллиғанлиқини билдүрүп: “америка һәр вақит кишилик һоқуқни тәшәббус қилиши вә диний әркинликни қоғдиши, хитайниң қилмиши әйиблиниши керәк” дәп көрсәткәниди. “вашингтон почтиси” ниң ейтишичә, дон бейкон йәнә тәйвәнниң америкадин заказ қилған милярдларчә долларлиқ қорал-ярақлирини тапшурувелиши үчүн “исмена қошуп ишләйдиғанлиқи” ниму ейтқан.

“вашингтон почтиси” өткән айда һөкүмәт вә шәхси учур мәнбәлириниң хитай тор җасуслириниң һуҗуминиң зиянкәшликигә учриғучиларниң арисида америка сода министири гина раймондо, ташқи ишлар министирлиқи хадимлири, бир кишилик һоқуқ паалийәтчиси вә бәзи әқил амбарлириниңму барлиқи, һуҗумға учриғанларниң бәзи дөләт мәҗлиси хадимлириниму өз ичигә алидиғанлиқини билдүргәниди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.