Yaponiye xitay kémilirining sénkaku ariligha yéqinlashqanliqigha naraziliq bildürdi

Muxbirimiz méhriban
2016-08-09
Share

Yaponiye tashqi ishlar weziri fumiyo kishida 9-awghust etigen xitayning yaponiyediki bash elchisi chéng yungxu'ani chaqirtip, 8-awghust küni xitayning wezipe ijra qiliwatqan kémilirining yaponiyege tewe sénkako ariligha yéqin déngiz tewelikige kirgenlikige naraziliq bildürgen.

En'gliye b b s agéntliqining bu heqtiki xewiride neqil élishiche, bu yaponiyening xitayning yaponiyediki bash elchisini besh kün ichide ikkinchi qétim chaqirtishi we eng yuqiri derijilik hökümet emeldarining naraziliq bildürüsh weqesi bolup, yaponiye tashqi ishlar weziri sözide, yaponiye -xitay munasiwiti hazir "Körünerlik yamanlishishqa qarap yüzlenmekte" dégen.
Amérika awazining xewiride éytilishiche, xitay bash elchisi yaponiye tashqi ishlar ministirliqidiki körüshüshtin kéyin muxbirgha éytqan sözide sénkako arilining xitay zémini ikenliki, shunga yaponiyening xitay paraxotlirining mezkur déngiz tewelikige kirishi mesiliside ghodurimasliqi kéreklikini éyqan.

Yaponiye taratquliri xewerliridin melum bolushiche, 8-awghust küni xitayning 14 dane kémisi sénkako ariligha yéqin déngiz tewelikige kirgen. Yaponiye taratquliri bu, yéqinqi yillardin buyan eng köp sandiki xitay kémilirining mezkur aralgha eng yéqin déngiz tewelikige kirishi bolup hésablinidiken.

Sénkako arallirining igilik hoquqi mesilisi uzundin buyan ikki dölet arisida talash-tartish üstide turmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet