Yéngi zélandiye milletchiliri xitay köchmenlirige qarshi hujum hazirliqigha ötken

Yéngi zélandiye axbarat wastiliride bayan qilinishiche, yéngi zélandiyening kirischarch shehiridin kelgen, bir türküm radikal milletchiler, awklan shehiride yashawatqan xitay köchmenlirining xewp - xeterliri heqqide teshwiqat waraqliri tarqitish we xitay köchmenlirige qarshi hujum élip bérish üchün bir qisim teyyarliq pa'aliyetliri bilen meshghul bolghan.

Melum bolushiche, teyyarlan'ghan teshwiqat waraqliridin birige “Asiya köchmenlirining istilasini toxtitayli” dep yézilghan.

Melum bolushiche, ikki yilning aldida yéngi zélandiyening howak, nortkoté we pakuran'ga sheherliridimu oxshash teshwiqat waraqliri tarqitilghan bolup, u chaghda saqchilarning jiddiy heriketke ötüshi bilen xitay köchmenlirige qarshi hujumlarning aldi élin'ghan. Shunga bu qétim awkland sheher parlaméntidiki xitay nesillik eza béwan chu'ang axbarat élan qilip, yéngi zélandiyediki xitay köchmenlirini hujumlargha qarita segek bolushqa, yéngi zélandiye saqchilirigha ehwalni melum qilip, yéngi zélandiyediki xitay küchmenlirining bixeterlikini qoghdashqa chaqirghan.