Xitay bash ministiri xitayni ishsizliq krizisigha pétip qélishtin agahlandurghan

Muxbirimiz jewlan
2022.05.10
Share on WhatsApp
Share on WhatsApp

Xitay bash ministiri li kéchiyang xitayning wirus sewebidin iqtisadta chékin'genlikini hemde buningdin kéyin ishsizliq krizisining éghir bolidighanliqini otturigha qoyghan.

CNN Torining xewer qilishiche, li kéchiyang bu ishsizliq krizisini “Murekkep hem qiyin weziyet” dep atighan. Xitay hökümitining sanliq melumatigha qarighanda, xitaydiki 31 sheherde 3-aydiki ishsizliq nisbiti tarixta yuqiri pellige yetken. Xitay hökümiti xususiy karxanilargha zerbe bérip, dölet karxanilirini yöligen؛ buning bilen ishsizlar téximu köpeygen. Nöwette dölet karxaniliri we chong shirketlerning adem qisqartishi dawamliq köpeymekte iken.

Xitay hökümiti aldinqi ayda “Wirusni pütünley yoqitish siyasiti” yürgüzüp, xitayning eng chong iqtisad merkizi bolghan shangxeyni we bashqa bezi sheherlerni qamal qilip, iqtisadta éghir chékinish peyda qilghanidi, halbuki xitay re'isi shi jinping bu siyasetni dawamliq yolgha qoyidighanliqini bildürgen. Bundaq bolghanda, xitay iqtisadi téximu xarapliship, ishsizliq ewj alidiken.

Xewerde tehlil qilinishiche, xitay iqtisadiy weyran bolup, ishsizlar köpi'iyip ketse xitay hökümitining mewjutluqimu xewpke uchraydiken. Shundaqtimu xitay re'isi jinping chong sho'arlarni towlap, öz hoquqini mustehkemlesh bilen aware bolidiken. Li kéchiyang qatarliqlar xitay hökümitining ornini saqlap qélish üchün aldi bilen bu ishsizliq mesilisini hel qilishqa mejbur bolidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet