"Washin'gton pochtisi" géziti xitayning chet'elge pul salghan Uyghurlarni "Térrorluq" bilen eyiblep jazalawatqanliqini xewer qildi
"Washin'gton pochtisi" gézitining-19séntebir küni élan qilghan bir xewiride xitayning chet'elge pul salghan Uyghurlarni "Térrorluq" bilen eyiblep jazalawatqanliqini ashkarilidi.
Xewerde banka arqiliq awstraliyediki ata-anisigha pul salghan mahire yaqup isimlik 41 yashlardiki ghuljiliq bir ayalning tutqun qilinip, "Térrorluq" bilen eyiplen'genliki, nöwette 3 balining anisi bolghan mahire yaqupning türmige tashlinip, jaza mudditini ötewatqanliqini bildürgen.
Xewerde ilgiri sürüshiche, "Térrorluqqa pul yardem qilish" bilen eyiblen'gen mahire yüsüpning qanche yil késilgenliki melum emes iken. Xewerde mahire yüsüpning shiwétsiyede turushluq newre tughqini elima nurulla ziyaret qilin'ghan bolup, u "Xitay bizni natsistlar yehudiylarni nishan'gha alghandek nishan'gha almaqta" dégen. Xewerde qeyt qilinishiche, bu ehwal "Xitayning türkiy til we medeniyitidiki Uyghur musulmanlirini xitaylargha mejburiy assimilyatsiye qilish herikitining yéngi basquchqa kirgenlikini ipadileydiken."
Xewerde chet'eldiki Uyghurlargha a'ile ezalirining "Térrorluqqa pul yardem qilghan" dégen guman bilen qolgha élinip türmige tashlan'ghanliqi, mal-mülkini musadire qilin'ghanliqigha da'ir xewerler kélishke bashlighanliqi eskertilip, analizchilarning bu ehwalni "Xitaydiki Uyghurlarning chet'eldiki a'ile ezaliri bilen bolghan herqandaq alaqisini tosushni meqset qilghan endishe qilarliq yéngi hadise" dep körsetkenliki tekitlen'gen.
Xewerde amérikaliq Uyghurshunas, nottingxam uniwérsitétining tetqiqatchisi rayn samning sözi neqil keltürülgen bolup, u "Bu chet'el bilen herqandaq alaqisi bar Uyghurlarni teqib qilish siyasitide birer chékinish yaki yumshash bolmighanliqini körsitidu" dégen. "Washin'gton pochtisi" gézitining bildürüshiche, mahire yaqup 1-qétim tutqun qilinip, 10 ay lagérda yétip chiqqan. U lagérdin qoyup bérilip 4 aydin kéyin yene tutqun qilin'ghan bolup, bu qétim "Térrorluqqa pul yardem qilish" bilen eyiplinip késiwétilgen.
- Öz wetinidin yiraq anatoluda méhri-shepqet tapqan 20 Uyghur musapir balining hékayisi
- Doktur atalghan damolla
- Nursiman'gül abduréshit: "Tashqiy dunya Uyghurlar toghriliq talash-tartish qiliwatqan minutlarda bizning yiltizimiz qirqilmaqta"
- Korlada soraqxanida ölgen erkin sulaymanning inisi: "Akamning ölümige téléfon sohbitimiz emes, belki durust bir insanliqi seweb bolghan"
- Mutexessisler erdoghanning b d t diki nutuqida Uyghur mesilisini shertlik tilgha élishigha qarita inkas qayturdi
