Amérika tashqi ishlar ministiri antoni blinkén xitaygha taqabil turush istratégiyesini otturigha qoyidiken

Muxbirimiz jewlan
2022.05.04

Amérika tashqi ishlar ministiri antoni blinkén 5-may peyshenbe küni amérika hökümitining xitaygha qaritidighan yéngi siyasiti, yéngi istratégiyesini élan qilidiken.

“Siyasetchi” zhurnilining xewiridin melum bolushiche, antoni blinkén peyshenbe küni amérika hökümitining xitay istratégiyesini etrapliq chüshendüridiken. Buninggha diqqet qiliwatqan mutexessisler “Amérika hökümitining yéngi siyasiti asasen sabiq prézidént trampning xitaygha qollan'ghan siyasitining dawami, baydén hökümiti peqet uninggha bezi tedbirlerni qoshqan, shunga bu hökümetning xitaygha pewqul'adde éghir siyaset yürgüzüshidin chong ümid kütkili bolmaydu” dep perez qilishmaqta iken.

Antoni blinkén jorj washin'gton uniwérsitétida sözleydighan bu nutqida amérika hökümet organliri, chet'el hökümetliri we xitayda hakimiyet yürgüzüwatqan xitay kompartiyesige qollinilidighan siyaset we tedbirlerning yol xeritisi hem diplomatiye nishanini éniq bayan qilidiken. Bu yighindin kéyinla amérika bilen sherqiy asiya döletlirining uchrishishi bashlinidiken. Prézidént jow baydén bu ayda koréye, yaponiye, awstraliye we hindistan dölet bashliqliri bilen körüshidiken.

Xewerde körsitilishiche, amérika hökümitining xitay istratégiyesi amérika bilen xitay re'isi shi jinping bashchiliqidiki xitay kompartiyesining munasiwetlirige zich baghlan'ghan bolup, bu yil 2-ayda élan qilin'ghan “Hindi-tinch okyan istratégiyesi” de “Amérikaning meqsiti xitayni özgertish emes, belki istratégiyelik muhitni özgertish, tesir küchler tengpungluqini saqlash. Bu, amérika we uning ittipaqdashlirigha paydiliq” déyilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.