Хитай ахбаратлириниң уйғур каваплирини өзиниң қиливелиши диққәт қозғиди

Мухбиримиз әзиз
2019.08.13

Уйғурларниң таам мәдәнийитидики әң қәдимий мәзмунлардин болған зихлиқ кавапниң йеқиндин буян хитай ахбаратлирида “хитай кавипи” дегән намда тонуштурулуши бир қисим көзәткүчиләрниң диққитини қозғиди.

Хитай һөкүмитиниң “йәр шари вақти гезити” 13-авғустта елан қилған бу һәқтики мәхсус мақалида “хитай кавипи” намлиқ йемәкликниң чәтәлликләрни йәрлик ресторанларға җәлп қилишта зор роли болғанлиқи алаһидә тәкитләнгән һәмдә уйғурчә кавап пишуруватқан бир моңғулниң рәсими хәвәргә қистурулған.

Мақалида латин америкаси, җәнубий асия вә башқа җайлардин хизмәт вә оқуш сәвәби билән хитайға келип қалған чәтәлликләрниң “хитай кавипи” ға нәқәдәр мәһлия болуп қалғанлиқи алаһидә тәкитлиниш арқилиқ хитайниң хәлқарадики һәммила кишини җәлп қилидиған бир макан икәнлики ишарә қилиниду. Һалбуки пүтүн мақалида “хитай кавипи” дегән нам сәккиз қетим ишлитилгән болсиму, “уйғур” сөзи пәқәтла тилға елинмайду. Бу арқилиқ оқурмәнләргә бу кавапниң хитайға хас таам икәнлики васитилик һалда чүшәндүрүлиду.

Анализчилар бу һәқтә пикир қилип кавап түридики йемәкликләрниң көчмән хәлқләр иҗад қилған һәмдә уларниң турмуш әнәнилиридә узақ әсирләр мәвҗут болған мәзмунлар икәнликини әскәртти. Д у қ ниң баянатчиси дилшат ришит бу мақалидики “хитай кавипи” дегән аталғуниң қоллинилишини “нөвәттики уйғур мәдәнийитини йоқитиш һәрикитидә оттуриға чиқиватқан мәдәнийәт таҗавузчилиқиниң бир мисали” дәп көрсәтти.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.