Хотән лайқа йеза башлиқи уйғур яш тәрипидин пичақлап өлтүрүлди

Мухбиримиз меһрибан
2015-05-26
Share


26 - Май сәйшәнбә күни иҗтимаи учур вастилиридә, 5 - айниң 21 - күни хотән наһийсиниң лайқа йезисиниң йеза башлиқиниң 19 яшлиқ уйғур яш тәрипидин пичақлап өлтүрүлгәнлик хәвири тарқалди.

Шиветсийидә тизимға елинған шәрқий түркистан тәшвиқат мәркизи ториниң хәвиридә дейилишичә, “хотәнниң лайқа йезисиниң муавин башлиқи ваң 21 - май күни, туғқининиң өйидә йошурунған 19 яшлиқ бир уйғур йигитни тепивелип, уни йезилиқ сақчиханиға мәҗбурий сөрәп маңған. Сақчиханиға 12 метир қалғанда, бу йигит йенидин пичақни чиқирип йеза башлиқиниң қорсақ қисмиға пичақ салған, йеза башлиқи сақчиханиға кирип өлүп қалған. Уни пичақлиған уйғур яш кейин сақчилар тәрипидин тутулған.

Хәвәрдә йәнә өлгүчи йеза башлиқиниң 12 йиллиқ хизмәт тарихиға игә һөкүмәткә садиқ, 50 яшлардики актип йеза кадири икәнлики тилға елинған. Радийомиз йәрлик сақчиханиға телефон қилғинида, йезилиқ сақчихана вәқәни дәлилләп, уйғур яш тәрипидин пичақлап өлтүрүлгән йеза кадириниң лайқа йезисиниң ваң фамилилик муавин йеза башлиқи икәнликини, у қорсиқиға пичақ йигәндин кейин нәқ мәйданда өлгәнликини билдүрди.

Радийомиз бу вәқәниң сәвәби һәққидә йәрликтин техиму тәпсилий учур елишқа тиришмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт