Японийә хитайниң бурғилаш суписиға етираз билдүргән
2013.07.03
Японийә һөкүмити хитай даирилириниң талаш-тартиштики деңизи тәвәликидә нефит бурғилашқа башлиғанлиқиға қаттиқ етираз билдүргән. Бу һәқтә тохталған японийә ички кабинети рәиси йошиһико суга японийәниң мәзкур қурулушқа җиддий диққәт қиливатқанлиқини ейтқан.
Йошиһико суганиң билдүрүшичә, хитай даирилири икки тәрәп арисидики деңиз пасилиниң ғәрб тәрипигә 26 километир келидиған җайға нефит бурғилаш суписи ясашқа башлиған.
Гәрчә, бу супа хитайниң деңиз тәвәсидә болсиму, японийә тәрәп мәзкур бурғилаш суписи деңиз пасилиға бәк йеқин болғачқа, японийә тәвәликидики тәбиий газ запаслириниму сүмүрүп кетиши мумкин, дәп әнсирәйдикән.
Суга әпәнди мундақ деди: биз хитайниң тәшәббуслиримиз кесишидиған мәзкур районни өз алдиға ечишиға қарши.
Униң билдүрүшичә, японийә дипломатик қаналлар арқилиқ буниңға етираз билдүргән болсиму, әмма хитай һазирғичә җаваб бәрмигән.
Сенкаку араллири йеқинқи йиллардин буян японийә-хитай арисидики дипломатик соғуқчилиқларға сәвәб болуп кәлмәктә иди.
Токйо һөкүмити өткән йили бу аралниң игилик һоқуқни шәхсийләрниң қолидин өткүзүвалғандин кейин, бу хил җиддийлик техиму күчийишкә башлиған.
Көп көрүлгән хәвәрләр
RFA
- Әнглийәлик ютубер көргән тақақлиқ мәсчитләр вә роза тутуш чәкләнгән уйғурлар вәзийити диққәт қозғиди
- Мутәхәссисләр:“хитайға хушхәвәр болған ишлар уйғурлар үчүн шум хәвәрдур”
- Хитайға қайтурулған уйғурларни “йоқлаш” қа маңған тайланд вәкилләр өмики агаһландурулди
- “шинҗаң вәкиллири” “дөләт ортақ тил-йезиқи қануни” ға өзгәртиш киргүзмәкчи
- Көзәткүчиләр: “хитайниң уйғур елидики ислаһат пилани уйғурларни әмәс, бәлки хитайниң өзини бай қилиду”