Yaponiye xitayning burghilash supisigha étiraz bildürgen

Yaponiye hökümiti xitay da'irilirining talash-tartishtiki déngizi tewelikide néfit burghilashqa bashlighanliqigha qattiq étiraz bildürgen. Bu heqte toxtalghan yaponiye ichki kabinéti re'isi yoshihiko suga yaponiyening mezkur qurulushqa jiddiy diqqet qiliwatqanliqini éytqan.

Yoshihiko suganing bildürüshiche, xitay da'iriliri ikki terep arisidiki déngiz pasilining gherb teripige 26 kilométir kélidighan jaygha néfit burghilash supisi yasashqa bashlighan.

Gerche, bu supa xitayning déngiz teweside bolsimu, yaponiye terep mezkur burghilash supisi déngiz pasiligha bek yéqin bolghachqa, yaponiye tewelikidiki tebi'iy gaz zapaslirinimu sümürüp kétishi mumkin, dep ensireydiken.

Suga ependi mundaq dédi: biz xitayning teshebbuslirimiz késishidighan mezkur rayonni öz aldigha échishigha qarshi.

Uning bildürüshiche, yaponiye diplomatik qanallar arqiliq buninggha étiraz bildürgen bolsimu, emma xitay hazirghiche jawab bermigen.

Sénkaku aralliri yéqinqi yillardin buyan yaponiye-xitay arisidiki diplomatik soghuqchiliqlargha seweb bolup kelmekte idi.

Tokyo hökümiti ötken yili bu aralning igilik hoquqni shexsiylerning qolidin ötküzüwalghandin kéyin, bu xil jiddiylik téximu küchiyishke bashlighan.