Җеҗяң өлкисидин 401 хитай кадир ақсуға "ярдәм"гә кәлгән

Мухбиримиз үмидвар
2017-02-26
Share

Хитайниң бир қисим ичкири өлкилиридин "шинҗаңға ярдәм бәргүчи кадирлар вә ихтисаслиқлар" дегән нам астидики кадирлар қумул, ақсу қатарлиқ вилайәтләргә арқиму-арқидин келишкә башлиған.

"ақсу гезити"ниң хәвәр қилишичә, 23-феврал күни җеҗяң өлкисидин 401 адәм мәхсус ақсуға "ярдәм бериш" үчүн йетип кәлгән болуп, ақсу валийси, вилайәтлик партийә комитетиниң секритари қатарлиқ вилайәтниң бир қисим юқири дәриҗилик башлиқлири айродромға чиқип, уларни күтүвалған.

Мәлум болушичә,җеҗяң өлкисидин ақсу вилайитигә кәлгән бу хадимлар 9-түркүмдикиләр болуп, улар асаслиқи һәр қайси наһийиләрдики тибби, маарип қатарлиқ саһәләрдә ишләйдикән.

Даириләр җеҗяңдин кәлгән бу кадирларниң "ихтисаслиқ вә илғар кадирлар"икәнлики,уларниң вилайәтниң хизмәт сәвийиси вә кадирларниң сапасини өстүрүштә үнүмлүк рол ойнайдиғанлиқини мәдһийилимәктә.

Җеҗяң өлкисиниң учур васитилиридин мәлум болушичә, 22-феврал күни мәхсус ақсуға баридиған 9-түркүмдики ярдәмчи кадирларни узутуш йиғини ечилған болуп, бу кадирлардин ақсуда яхши тәсират қалдуруш һәмдә муқимлиқ хизмәтлиригә һәссә қошуш қатарлиқларму тәләп қилинған.

Мәлум болушчә, ақсуда илгиридинла шаңхәй шәһири, җеҗяң вә башқа шәрқий өлкиләрдин кәлгән көчмәнләр нисбити юқири болуп, әслидә уйғурлар зич олтурақлашқан ақсу шәһириниң нопуси өткән әсирниң 90-йиллиридин кейин тез өзгирип, шәһәр ичи нопусида хитай миллитидикиләрниң нопуси көп санлиқни тәшкил қилиш вәзийити шәкилләндүрүлгән.

Шуниңға охшаш, қумул вилайитигиму 21-феврал күни 223 кишилик 9-түркүмдики бир ярдәм өмики хенән өлкисидин йетип кәлгән болуп, булар үчүн мәхсус күтивелиш мурасими өткүзүлгән.

Дуня уйғур қурултийи өзиниң баянатлирида ичкири хитайдин келиватқан бу аталмиш ихтисас игилири вә кадирларниң уйғур тили вә уйғурларниң өрп-адәтлирини билмәйдиғанлиқи,уларниң йәрлик уйғурлар билән ортақлиқи йоқлуқи, хитай өзи етирап қилған уйғурларниң аптономийә һоқуқини җари қилдуруши, йәрлик уйғур кадирларниң һөкүмәт, маарип,санаәт, пул-муамилә вә хизмәт органлиридиму көп санлиқни тәшкил қилиши һәм уйғур тил-йезиқини ишлитиши керәкликини оттуриға қоюп кәлмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт