Чәтәлләрдики уйғур җамаитиниң сиясий вә тарихий тәрәққиятиға даир йеңи әсәр нәшр қилинмақчикән

Мухбиримиз әзиз
2017-10-16
Share

Дуня сиясий вәзийитиниң өзгириши уйғур җамаитиниң бир қисим дөләтләрдә өз алдиға етник мәһәллиләрни қуруп чиқишиға түрткә болған иди. Йеқинда нәшрдин чиқиш алдида турған "уйғур җамаити: муһаҗирәт, кимлик вә сиясий җуғрапийә" намлиқ әсәр болса әнә шу хилдики уйғур җамаәтлири дуч келиватқан түрлүк мәсилиләргә беғишланған икән.

Түркийәдики ғази университетиниң профессорлиридин гүлҗәннәт әрҗиласун вә қонур әрҗиласун бирликтә тәйярлиған бу топламни макмиллан нәшрияти 2017-йилиниң ахири нәшр қилишни пиланлиған.

Топламда алди билән уйғурларниң тарихий тәрәққияти вә уйғур милләтчилики 20-әсирниң башлирида дуч кәлгән хирислар қисқичә тонуштурулиду. Андин алақидар апторларниң чәтәлләрдики уйғур җамаити, уйғур кимлики, диний етиқад әһвали, уйғурларниң оттура асиядики орни, 2009-йилидики үрүмчи вәқәсидин кейин уйғурларниң түркийә-хитай мунасивитидә игилигән орни қатарлиқ темилар бойичә йезилған бир йүрүш инглизчә мақалиләр берилиду.

Бу топламдики мақалиләр муһаҗирәттики уйғурларни бир пүтүн дуня сиясий хәритисигә қоюп туруп тәһлил қилишни мәқсәт қилған болуп, уйғур кимлики тарих, дин вә сиясәт нуқтилиридин шәрһилиниду.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт