Уйғур елиниң ақту вә қутуби наһийилиридә йәр тәвригән

7- Вә 8-декабир күнлири уйғур елиниң бир қисим җайлирида йәр тәвригән. Тәңритағ торида берилгән хәвәрдин қариғанда, 7-декабир чаршәнбә күни қизилсу области ақту наһийәсидә 3.1 Бал йәр тәвригән, тәврәш мәнбәсиниң чоңқурлуқи 6000 метир болған. Әтиси, санҗи областиниң қутуби наһийәсидә 6.2 Бал йәр тәвригән, тәврәш мәнбәсиниң чоңқурлуқи 6000 метир болған. Қутуби наһийисидики бу қаттиқ йәр тәврәш үрүмчи, или вә ақсудиму һес қилинған.

Бирақ, юқиридики хәвәрләрниң һечқайсида йәр тәврәштин келип чиққан зиян яки елинған қутқузуш вә орунлаштуруш тәдбирлириниң бириму тилға елинмиған. Тәңритағ ториниң хитайчиси қутубидики йәр тәврәштә яриланғанлар һәққидә техи хәвәр кәлмиди, дәп язған.

Хитай һөкүмити адәттә хитайда йүз бәргән апәтләр вә вәқәләр һәққидики хәвәрләрниң инчикә тәпсилатлириниң елан қилинишиға қаттиқ чәклимә қойидиған болуп, 2008-йили сичүәндә нурғун мәктәп балилириниң өлүмигә йол ачқан йәр тәврәш, 2011-йилидики юқири сүрәтлик пойизниң өрүлүп кетиши вә 2015-йили тйәнҗиндики портта чиққан партлашқа охшаш вәқәләрниң деталлири техи сир пети турмақта.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар