"йипәк йоли иқтисад бәлвеғи" дики ахбаратчилар уйғур елини зиярәт қилишқа орунлаштурулған

Мухбиримиз ирадә
2017-04-20
Share

Хـитай һөкүмитиниң уйғур елидә йүргүзүватқан миллий вә диний сиясәтлири, болупму йеқинда йолға қойған "әсәбийликни чәкләш низами" ғәрб дөләтлиридә күчлүк тәнқидләшкә учраватқан бир мәзгилдә уйғур район даирилири бир қисим мәтбуатларниң мухбирлирини уйғур елигә тәклип қилип апирип уларға өзлириниң сиясәтлирини тәшвиқ қилған.

Хәлқ ториниң пәйшәнбә күнидики хәвиридин қариғанда, уйғур район даирилири "йипәк йоли иқтисад бәлвеғи" бойидики алақидар дөләтләрниң таратқу мәсуллириниң тәтқиқ қилиш, өгиниш курсини" тәсис қилған.

Бу курсқа кәлгән мухбирлар шинҗаң муқам ансамбили тиятирханиси вә шинҗаң ислам дини институти қатарлиқ орунларни зиярәт қилған вә шундақла "җуңгониң дин сиясити вә шинҗаңдики динларниң һазирқи әһвали" дегән темиларда лексийә аңлиған.

Хәвәрдә бу һәқтә мундақ дейилгән: "йипәк йоли иқтисад бәлвеғидики дөләтләрдин кәлгән мухбирлар елимиз вә шинҗаңниң диний затларни йетиштүрүш усули вә диний етиқад әркинлики сиясити әһвалидин чүшәнчигә игә болди."

Хәвәрдә, бу мухбирларниң қайси дөләтләрдин кәлгәнлики ениқ тилға елинмиған.

Хитай һөкүмити америка вә башқа ғәрб әллириниң даңлиқ ахбаратлириниң уйғур елигә берип хәвәр ишлишини қаттиқ чәкләп, барғанларниму тәқибгә елип, хизмитигә тосқунлуқ қиливатқанда бундақ бир қуруқ тәшвиқат түсини алған курсни тәшкиллиши диққәт қозғиди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт