Yopurgha hakimigha yézilghan ochuq xet tordashlar arisida inkas qozghidi

Yéqinda Uyghurche tor betliride élan qilin'ghan “Yopurgha hakimigha yézilghan ochuq xet” namidiki 13 maddiliq telepname tordashlar arisida munazire qozghidi.

Inkaslardin melum bolushiche, ochuq xet yopurgha nahiyisige yéngidin teyinlen'gen xitay tilliq Uyghur hakimgha qaritilip yézilghan.13Maddiliq telepnamide, nahiyidiki hel qilishqa tégishlik emeliy mesililerni yéngidin teyinlen'gen hakimning eng qisqa muddet ichide hel qilishi telep qilin'ghan. Bolupmu, bu telepler ichidiki déhqanlarning hashar emgikini kémeytish, töwen turmush puli alidighanlarni xarlimasliq, doxturxana,jama'et xewpsizlik idarisi, qurulush idarisi qatarliq orunlardiki xizmetchilerning ammigha bolghan pozitsiyisini özgertish telipi qatarliqlar we nahiyige yéngidin teyinlen'gen hakimning xitay tilida terbiyilen'gen Uyghurliqi tordashlarning qizghin munazire témisigha aylan'ghan.

Beziler yopurghida yürgüzülüwatqan qattiq siyasetning yumshishigha ishenmeydighanliqini, xitay tilliq yopurgha hakimigha yézilghan ochuq xettiki teleplerning hel bolmaydighanliqini bildürse, yene beziler nahiyidiki qanun, saqchi orunlirida ishleydighanlarning zomigerlikini pash qilip, gerche nahiyidikiler bu xil heqsizliqlerge hazirche süküt qilip kéliwatqan bolsimu, emma bu xil bésimlargha qarshi naraziliqning haman bir küni partlaydighanliqidin bisharet bérip, hökümet emeldarlirini wijdanliq bolushqa chaqirghan.