Jang chünshyen Uyghur rayonida "Diniy ashqunluq keypiyati körünerlik yumshighanliqini" ilgiri sürdi

Muxbirimiz erkin
2016-01-01
Share


Uyghur aptonom rayonluq partkom sékrétari jang chünshyen 31 - dékabir aptonom rayonluq siyasiy kéngeshning yéngi yilni kütüwélish chay ziyaritide nutuq sözlep, rayonda ötken yili diniy ashqunluq keypiyati körünerlik yumshighanliqini ilgiri sürgen.

Yéqinqi bir qanche yildin béri Uyghur rayonida hökümet bilen yerlik xelqning toqunushi küchiyip, nurghun zorawanliq weqeliri yüz berdi. Xitay hökümiti zorawanliq weqelirini "Diniy radikal küchlerning térrorluq herikiti" dep élan qilip, xelq'ara jem'iyetni xitayning "Térrorluqqa qarshi turush" herikitini qollashqa chaqirghan

Emma kishilik hoquq teshkilatliri zorawanliq weqelirini xitayning qattiq qol siyasiti, Uyghur medeniyiti, diniy étiqadigha cheklime qoyushi keltürüp chiqarghanliqini ilgiri sürgen.

Jang chünshyen yéngi yilliq chay ziyapitide qilghan sözide, özlirining alghan her xil qattiq qol tedbirlirining rayonda diniy keypiyatni suslashturghanliqini tekitligen.

Uning körsitishiche, 2015 - yili "Aktip hujum qilish, zerbe bérish bilen mudapi'eni birleshtürüsh, zorawan térrorchilargha qattiq zerbe bérip, yuqiri bésimliq weziyetni izchil saqlash, her xil tedbirlerni chongqur emeliyleshtürüsh, jem'iyet bashqurush, muqimliqni qoghdash iqtidarini dawamliq yuqiri kötürüsh netijiside omumiy ijtima'iy weziyet dawamliq muqimliqni saqlighan."

Emma d u q xitay hökümiting Uyghur rayonida diniy ashqunluqqa qarshi alghan tedbiri diniy erkinlik, xelq'ara kishilik hoquq ölchemlirige xilapliq qilghanliqini ilgiri sürgen. Xitay hökümiti mezkur rayonda erlerning saqal qoyushi, ayallarning hijab, jilbap kiyip, léchek taqishini chekligen. Oqughuchilar, oqughuchilar, kadirlar we kespiy xadimlarning roza tutushi, namaz oqushi, balilirigha diniy telim terbiye bérishini men'i qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet