3 Chong teshkilat birlikte “Xelq'ara Uyghur munbiri” namida yighin chaqiridighanliqini élan qildi

Ixtiyariy muxbirimiz erkin tarim
2022.08.05
Share on WhatsApp
Share on WhatsApp
D u q re'isi dolqun eysa yawropadiki türk axbarat organlirini heriketke ötüshke chaqirdi D u q re'isi dolqun eysa ependi 2-nöwetlik “Yawropa türk médiyasi aliy yighini” da söz qilmaqta. 2022-Yili 12-iyun, gérmaniye.
RFA/Erkin Tarim

Dunya Uyghur qurultiyi, “Hesene” teshkilati we xelq'ara sherqiy türkistan teshkilatlar birliki rehberliri jiddiy yighin chaqirip, “Xelq'ara Uyghur munbiri” namliq yighin chaqirishni qarar qildi. Mezkur 3 chong teshkilatning rehberliri yighip chaqirip teyyarliq komitéti qurup, yighinning teyyarliq xizmetlirini bashliwetti.

D u q, mezkur 3 chong teshkilatning sahibxaniliqi we herqaysi döletlerdiki qérindash teshkilatlarning qollishi bilen 2022-yili 11-ayning 9-künidin 10-künigiche bélgiyening paytexti biryussélda “Xelq'ara Uyghur munbiri” namida tarixiy ehmiyetke ige yighin chaqirilidighanliqini élan qildi.

Biz bu heqte melumat igilesh üchün d u q ning diniy xizmetlirige mes'ul ijra'iye hey'iti mu'awin re'isi, yighinning teyyarliq komitéti mes'uli turghunjan alawuddin ependi we türkiyediki xelq'ara sherqiy türkistan teshkilatlar birliki re'isi hidayetullah oghuzxan ependiler bilen söhbet élip barduq. Ular, yighinning teyyarliq komitéti jiddiy yighin chaqirip, “Xelq'ara Uyghur munbiri” yighinining küntertipi bilen yighinda muzakire qilinidighan témilarni békitip chiqqanliqini bildürdi.

Turghunjan alawuddin ependi “Xelq'ara Uyghur munbiri” yighinini échishtiki meqsetning “Uyghur irqiy qirghinchiliqi” ni toxtitish ikenlikini bayan qildi.

Turghunjan alawuddin ependi “Xelq'ara Uyghur munbiri” yighinining échilish murasimining yawropa parlaméntidiki bezi siyasiy partiyelerning sahibxaniliqida yawropa parlaméntining zalida ötküzülidighanliqini ilgiri sürüp mundaq dédi: “Bu qétim bélgiyede chaqirilidighan ‛xelq'ara Uyghur munbiri‚ yighini zor tarixiy ehmiyetke ige nahayiti muhim yighin. Mezkur yighinning échilish murasimi yawropa parlaméntidiki bezi siyasiy partiyelerning sahibxaniliqida yawropa parlaméntining zalida ötküzülidu. Bu yighin'gha her qaysi döletlerdiki Uyghurlarni tetqiq qilidighan uniwérsitét oqutquchiliri, mutexessisler, siyasiyonlar, adwokatlar, qanunshunaslar, ammiwi teshkilat mes'ulliri, Uyghur jama'et erbabliri, xelq'ara kishilik hoquq teshkilatlirining mes'ulliri teklip boyiche ishtirak qilmaqchi. Yighinda, bularni bir yerge jem qilish arqiliq, muzakire élip bérip xitayning sherqiy türkistanda élip bériwatqan ‛irqiy qirghinchiliqi‚ni toxtitishning chare-tedbirlirini békitip chiqmaqchi. Ikki kün dawamlishidighan yighinda, her qaysi témilar boyiche muzakire élip bérilip, ‛Uyghur irqiy qirghinchiliqi‚ ni toxtitish üchün xelq'arada öz'ara hemkarlishish toghrisida qarar maqullimaqchi. Qisqisi bu yighinda Uyghur irqiy qirghinchiliqini toxtitishtiki ortaq bir nishan belgilep chiqilmaqchi”.

Yighinni uyushturghuchi teshkilatlardin biri bolghan istanbuldiki xelq'ara sherqiy türkistan teshkilatlar birliki re'isi hidayetullah oghuzxan ependi, “Xelq'ara Uyghur munbiri” yighinining xitay irqiy qirghinchiliqni dawamlashturuwatqan bir mezgilde, yawropa ittipaqining merkizi bolghan yawropa parlaméntida chaqirilidighanliqini, buninggha barliq Uyghurlarning, bolupmu her qaysi döletlerdiki sherqiy türkistan teshkilatlirining mes'ulliri bilen Uyghur ziyaliylirining we jama'et erbablirining alahide ehmiyet bérip ishtirak qilishi kéreklikini tekitlidi.

Mutexessisler bu qétimqi yighinning Uyghur dewasi tarixida échilidighan tunji chong xelq'araliq yighin ikenlikini tekitlimekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.