Японийәдә “5-июл үрүмчи қирғинчилиқи” ни хатирләш мунасивити билән бир йүрүш намайишлар өткүзүлгән

Ихтиярий мухбиримиз азиғ
2022.07.06
Share on WhatsApp
Share on WhatsApp
японийәдә “5-июл үрүмчи қирғинчилиқи” ни хатирләш мунасивити билән бир йүрүш намайишлар өткүзүлгән 3-Июл вә 5-июл күнлири японийәдә “5-июл үрүмчи қирғинчилиқи” ниң 13 йиллиқини хатириләш мунасивити билән бир йүрүш паалийәтләр елип берилған.
RFA/Azigh

3-Июл вә 5-июл күнлири японийәдә “5-июл үрүмчи қирғинчилиқи” ниң 13 йиллиқини хатириләш мунасивити билән бир йүрүш паалийәтләр елип берилған.

3-Июл күни, токйониң шибуди районида “5-июл үрүмчи қирғинчилиқи” ни хатирләш мунасивити билән чоң типтики намайиш орунлаштурулған. Бу қетимлиқ намайиш дуня уйғур қурултийиниң чақириқи билән японийә уйғур җәмийити тәрипидин уюштурулған болуп, намайиш җәрянида “5-июл үрүмчи қирғинчилиқи” хатириләнгән вә йеқинда ашкара болған “хитай сақчи һөҗҗәтлири” көргәзмә қилинған.

Намайишқа японийәниң һәрҗайлиридин кәлгән уйғурлар, уйғурларни қоллиғучи японийәликләр вә пуқрави тәшкилатларниң мәсуллири қатнашқан. Һаваниң интайин иссиқ болушиға қаримай, намайиш паалийити интайин җанлиқ елип берилған. Намайиш җәрянида уйғур ирқий қирғинчилиқи вә “5-июл үрүмчи қирғинчилиқи” ниң маһийити чүшәндүрүлгән тәшвиқат варақлири тарқитилған.

Японийә уйғур җәмийитиниң идарә һәйәт әзаси савут мәмәт зияритимизни қубул қелип, бу қетим японийәдә елип берилған “5-июл үрүмчи қирғинчилиқи” ни хатирләш паалийәтлири һәққидә тәпсилий мәлумат бәрди.

3-Июл вә 5-июл күнлири японийәдә “5-июл үрүмчи қирғинчилиқи” ниң 13 йиллиқини хатириләш мунасивити билән бир йүрүш паалийәтләр елип берилған.

5-Июл күни японийәдики уйғур җамаити хитайниң токйодики әлчиханиси алдиға топлинип, “5-июл үрүмчи қирғинчилиқи” ниң қурбанлирини яд етиш вә хитайниң уйғурларға йүргүзиватқан ирқий қирғинчилиқа наразилиқ билдүрүш намайиши уюштурған. Наразилиқ намайиши ентайин көтүрәңгү роһ билән давам қилған болуп, намайишқа қатнашқан японийәлик уйғурларниң дости умеда масахиро (Umeda Masahiro) әпәнди зияритимизни қубул қилип мундақ деди:

“мән бултур 7-айда японийә уйғур җәмийитиниң намайишиға қатнишиштин бурун, 5-июл үрүмчи қирғинчилиқини билмәйттим. 2009-Йили 7-айда уйғурларға қаритилған паҗиәлик қирғинчилиқ, хитай армийәси тәрипидинла әмәс, бәлки адәттики хитай пуқралири тәрипидинму елип берилған икән. Мән үрүмчи қирғинчилиқиға даир тәпсилатларни өгәндим. Биз бу һәқиқәтни давамлиқ сөзлишимиз, шундақла етираз билдүрүшимиз керәк. Мән бир япунийәлик болуш сүпитим билән, буни ‛дуняви чоң қирғинчилиқ‚ дәп қараймән.”

Японийә уйғур җәмийити вә япунийәдики йәрлик кишилик һоқуқ паалийәтчилириниң тиришчанлиқи арқисида япон хәлқиниң уйғур мәсилисигә болған тонуши вә қизиқиши барғансери ешип бармақтикән. японийә уйғур җәмитиниң рәиси абдукирәм әпәнди зияритимизни қубул қилип бу һәқтә мәлумат бәрди. Абдукерим әпәндиниң ийтишичә, нөвәттә японийәдә хитайға болған қарши авазлар барғансери күчәйгән болуп, уйғур мәсилисигә көңүл билидиғанларниң сани давамлиқ көпәймәктикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.