5-Iyul küni yawropaning londun, bérn, karlisruxé sheherliridimu xitaygha qarshi namayish ötküzüldi

Ixtiyariy muxbirimiz ekrem
2021-07-06
Share

"5-Iyul ürümchi qirghinchiliqi" ning 12 yilliqi munasiwiti bilen dunyaning herqaysi jaylirida xitaygha qarshi namayishlar élip bérildi.

5-Iyul küni d u q ning chaqiriqigha bina'en "5-Iyul ürümchi qirghinchiliqi" ning 12 yilliqini xatirilesh munasiwi'i bilen dunyaning herqaysi jaylirida herxil kölemde namayishlar ötküzülgen idi. Shu küni en'giliye paytexti londun shehridimu namayish élip berilghan. D u q londun ishxanisining mudiri rehime xanim bu heqte ziyaritimizni qobul qilghanda bu namayishqa Uyghurlar, tibetler, xongkongluqlarning qatnashqanliqini eskertti.

5-Iyul küni shiwétsariyening paytexti bérn shehridimu namayish ötküzülgen. "5-Iyul ürümchi qirghinchiliqi" ning shahidliridin biri, hazir shiwétsariyede yashawatqan Uyghur ziyalisi hebibullah izchi bu heqte melumat bérip, namayishning qizghin keypiyat ichide dawam qilghanliqini tilgha aldi. Shiwétsariyediki "Uyghurlargha adalet" teshkilatining re'isi doktur abdushükür abduréshitmu bérndiki namayish toghrisida toxtilip ötti. Bu namayishqa ishtirak qilghan shiwétsariyediki Uyghur ziyaliyliridin gülnar memtimin xanimmu namayish toghrisida öz tesiratlirini ipade qildi.

5-Iyul küni yene gérmaniyening karlisruxé shehridimu keng kölemlik namayish élip bérilghan. Namayish meydanidin ziyaritimizni qobul qilghan karlisruxé shehridiki Uyghur ziyaliysi enwer ehmet ependining bildürüshiche, bu namayishqa xelq'ara kechürüm teshkilati, xelq'ara kishilik hoquqni qoghdash merkizi, tehdit astidiki xelqler teshkilati qatarliq kishilik hoquq teshkilatlirining shu rayondiki wekillirimu qatnashqan hemde nutuqlar sözlep, xitay hakimiyitining sherqiy türkistandiki zulumlirini qattiq eyibligen.

D u q rehberlirining bildürüshiche, bu yilqi "5-Iyul ürümchi qirghinchiliqi" ning 12 yilliqini xatirilesh namayishi birla künde 20 din artuq dölettiki 30 din köp sheherde élip bérilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet