Amérikining istixbarat emeldari: xitay dunyadiki démokratiye we erkinlikke eng chong tehdit

Muxbirimiz jüme
2020-12-06
Share
Amérikining istixbarat emeldari: xitay dunyadiki démokratiye we erkinlikke eng chong tehdit Amérikining döletlik istixbarat mudiri jon ratkléf.
Social Media

Peyshenbe küni, amérika istixbarat idarisining yuqiri derijilik emeldari xitayning dunyadiki démokratiye we erkinlikke ikkinchi dunya urushidin buyanqi eng chong tehditke aylan'ghanliqini bildürdi.

Amérikining döletlik istixbarat mudiri jon ratkléf bu sözlerni "Wal strét zhurnili géziti" de élan qilghan obzorida otturigha qoydi.

U maqaliside mundaq dédi: "Istixbaratlar shuni éniq körsitiduki: béyjing amérika we yersharining bashqa jaylirigha iqtisadiy, herbiy we téxnika jehettin hökümranliq qilishni oylaydu."

U yene mundaq dédi: "Xitay bügün amérikigha eng chong tehdit, shundaqla ikkinchi dunya urushidin buyanqi dunya miqyasida démokratiye we erkinlik üchün eng chong tehdit."

Ratkilléf yene xitaygha bolghan diqqetni ashurush üchün, istixbaratqa ajritilghan 85 milyard dollarliq fédératsiye xamchotidin mexsus meblegh ajratqanliqini bildürdi.

Jumhuriyetchiler partiyesining sabiq parlamént ezasi ratklif tramp teripidin ötken yili etiyazda amérikining eng yuqiri derijilik istixbarat xizmitige teyinlen'gen idi.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet