Америка-хитай мунасивәтлириниң аҗрилишқа қарап йүзләнгәнлики илгири сүрүлмәктә

Мухбиримиз җүмә
2020-12-06
Share
Америка-хитай мунасивәтлириниң аҗрилишқа қарап йүзләнгәнлики илгири сүрүлмәктә Америка ташқи ишлар министирлиқи елан қилған “хитай хирислиридики амиллар” сәрләвһилик доклати. 2020-Йили ноябир.
Photo: RFA

Америка-хитай мунасивәтлириниң аҗрилишқа қарап йүзләнгәнлики, әмди гәпниң мәзкур мунасивәтниң йәнә қанчилик яманлишишида қалғанлиқи илгири сүрүлмәктә.

Йәкшәнбә күни “сода ички хәвәрлири” торида бу һәқтә елан қилинған бир парчә обзорда көрситилишичә, бу икки дөләт мунасивәтлиридики аҗрилиш аллиқачан башлинип болған. Мутәхәссисләр бу икки дөләт оттурисида йүз бериватқан иқтисадий, дипломатик вә техникилиқ бөлүнүшни “аҗрилиш” яки “аҗришиш” дегән сөз билән сүрәтлигән.

Обзорда мундақ дейилгән: “бу икки дөләт арисидики аҗрилиш ‛әгәр‚ яки ‛қачан‚ мәсилиси әмәс. У дәл һазирниң өзидә йүз бериватиду.”

Обзорда илгири сүрүшичә, гәрчә бу икки дөләт узун йиллардин бери өз-ара мәнпәәт йәткүзүш мунасивитини қоғлашқан болсиму, әмдиликтә ишәнч йоқилип, һәмкарлиқтин сөз ечиш мумкин әмәс һалға келип қалған.

Обзорда мундақ дейилгән: “һазир икки тәрәп мунасивитини қайта тәңшәшкә киришти. Бу пүтүнләй аҗрилиш әмәс, бәлки йеңи чәк-чегра шәкилләндүргән қолайсиз йирақлишиш җәрянидур.”

Обзорда көрситишичә, бу икки тәрәп мунасивәтлиридә шәкилләнгән йеңи чәк-чегра дуня әллири мунасивәтлири үчүнму йеңи чеградин дерәк беридикән.

Алдинқи күни хитай компартийәси контроллуқидики “хитай күдилик гезити” баш мақалә елан қилип, америка-хитай мунасивәтлиридики бәзи зиянларниң түзәткили болмайдиған дәриҗигә йәткәнликини ейтқан.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт