Amérika-xitay munasiwetlirining ajrilishqa qarap yüzlen'genliki ilgiri sürülmekte

Muxbirimiz jüme
2020-12-06
Share
Amérika-xitay munasiwetlirining ajrilishqa qarap yüzlen'genliki ilgiri sürülmekte Amérika tashqi ishlar ministirliqi élan qilghan "Xitay xirisliridiki amillar" serlewhilik doklati. 2020-Yili noyabir.
Photo: RFA

Amérika-xitay munasiwetlirining ajrilishqa qarap yüzlen'genliki, emdi gepning mezkur munasiwetning yene qanchilik yamanlishishida qalghanliqi ilgiri sürülmekte.

Yekshenbe küni "Soda ichki xewerliri" torida bu heqte élan qilin'ghan bir parche obzorda körsitilishiche, bu ikki dölet munasiwetliridiki ajrilish alliqachan bashlinip bolghan. Mutexessisler bu ikki dölet otturisida yüz bériwatqan iqtisadiy, diplomatik we téxnikiliq bölünüshni "Ajrilish" yaki "Ajrishish" dégen söz bilen süretligen.

Obzorda mundaq déyilgen: "Bu ikki dölet arisidiki ajrilish 'eger' yaki 'qachan' mesilisi emes. U del hazirning özide yüz bériwatidu."

Obzorda ilgiri sürüshiche, gerche bu ikki dölet uzun yillardin béri öz-ara menpe'et yetküzüsh munasiwitini qoghlashqan bolsimu, emdilikte ishench yoqilip, hemkarliqtin söz échish mumkin emes halgha kélip qalghan.

Obzorda mundaq déyilgen: "Hazir ikki terep munasiwitini qayta tengsheshke kirishti. Bu pütünley ajrilish emes, belki yéngi chek-chégra shekillendürgen qolaysiz yiraqlishish jeryanidur."

Obzorda körsitishiche, bu ikki terep munasiwetliride shekillen'gen yéngi chek-chégra dunya elliri munasiwetliri üchünmu yéngi chégradin dérek béridiken.

Aldinqi küni xitay kompartiyesi kontrolluqidiki "Xitay küdilik géziti" bash maqale élan qilip, amérika-xitay munasiwetliridiki bezi ziyanlarning tüzetkili bolmaydighan derijige yetkenlikini éytqan.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet