Amérika xitay bilen bolghan medeniyet almashturush programmilirini bikar qildi

Muxbirimiz jüme
2020-12-06
Share
Amérika xitay bilen bolghan medeniyet almashturush programmilirini bikar qildi Amérika tashqi ishlar ministirliqi xitay bilen dawamlashturup kéliwatqan besh xil medeniyet almashturush programmisini "Yumshaq küch teshwiq qilish qorali" dep atidi we ularni axirlashturghanliqini jakarlidi. 2020-Yili 4-dékabir.
State.gov

Jüme küni amérika tashqi ishlar ministirliqi xitay bilen dawamlashturup kéliwatqan besh xil medeniyet almashturush programmisini "Yumshaq küch teshwiq qilish qorali" dep atidi we ularni axirlashturghanliqini jakarlidi.

Ministirliq tor békitide élan qilghan bayanatqa qarighanda, bu nöwet "Siyaset belgiligüchilerning ma'arip xaraktéridiki xitay sayahiti programmisi", "Amérika-xitay dostluq programmisi", "Amérika-xitay rehberlik almashturush programmisi", "Amérika-xitay tinch okyan halqighan almashturush programmisi" we "Xongkong ma'arip-medeniyet programmisi" qatarliq 5 xil almashturush programmisi bikar qilin'ghan.

Bayanatta déyilishiche, bu programmilar prézidént jon kénnédi 1961-yili imzalighan "Öz-ara ma'arip we medeniyet almashturush qanuni" gha asasen tesis qilin'ghan iken.

Bayanatta mundaq déyildi: "(Xitay) hökümitining toluq meblighi we bashqurushidiki bu besh programma yumshaq küchni teshwiq qilish qorali süpitide ishlitildi."

Xitay terepning buninggha qandaq inkas qayturghanliqi hazirche namelum.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet