Amérikaliq yazghuchi: “Xitay sowét ittipaqidek parchilinidighan künler haman kélidu, Uyghurlar choqum musteqil bolidu”

Washin'gtondin muxbirimiz nur'iman teyyarlidi
2024.03.15
terisa-bukzaki-xen-shyu-1.jpg Nurghun yilliq hayati xitayda ötken amérikaliq yazghuchi térisa bukzaki xanim. U xitayda yashighan yillirida xen shyu dégen xitayche texellusni ishletken. 2018-Yili dékabir.
RFA

Amérikaliq yazghuchi térisa bukzaki xanim 1946-yili 9-ayning 19-küni amérikaning nyu-york shehiridiki manxattan rayonida tughulghan. Térisa xanimning dadisi xitayda uzun yil turghan amérika diplomati bolup, anisi jaw wénru shangxeylik xitay artis iken. 1948-Yili bir yérim yashliq térisani anisi bashqilargha hawale qilish yoli bilen amérikaning herbiy paraxotida shangxeydiki momisining qéshigha ewetip bergen.

1949-Yili kommunist xitaylar hakimiyet béshigha chiqqandin kéyin, amérika teywen'ge chékin'gen gomindang hökümitini tonup, xitay chong quruqluqida qurulghan kommunist xitay hakimiyitini étirap qilmighan. Buning bilen amérika bilen kommunist xitay otturisida taki 1972-yilighiche diplomatik munasiwet bolmighan. Kommunist xitaylar hakimiyet béshigha chiqqan 1949-yilida térisa xanim téxi 3-4 yashliq bala bolup, amérika puqrasi bolushigha qarimay uning qizil xitaydiki uzun'gha sozulghan xorluq hem bésim ichidiki hayati bashlan'ghan. 17 Yéshidin bashlap “Sotsiyalistik qayta terbiye” namida shenshi ölkiside ikki yil, uningdin kéyin we Uyghur aptonom rayonigha jaylashqan bingtüenning maralbéshidiki polk meydanlirida 9 yil qattiq emgekke sélin'ghan. Térisa xanim taki 1978-yilghiche özining xitaydiki 30 yilliq qabahetlik hayatini yashighan.

30 Yilliq hayati xitayda ötken amérikiliq yazghuchi térisa bukzaki xanim. U xitayda yashighan yillirida xen shyu dégen xitayche texellusni ishletken. 2018-Yili dékabir.
30 Yilliq hayati xitayda ötken amérikiliq yazghuchi térisa bukzaki xanim. U xitayda yashighan yillirida xen shyu dégen xitayche texellusni ishletken. 2018-Yili dékabir.
RFA

Térisa xanim 1978-yili amérikigha qaytip kelgendin kéyin xitayche “Xen shyu” texellusida 45 parche kitab neshr qildurghan. Bu kitablar arisida uning aqsu bilen maralbéshi nahiyesi ariliqidiki bingtu'en 3-déwiziyesige qayta terbiyege chüshken 9 yilliq hayati heqqidiki achchiq xatirilermu alahide yer alghan.

Biz eyni waqittiki Uyghurlarning ehwali we Uyghur rayonigha yerleshtürgen bingtu'en sistémisi heqqide téximu tepsiliyrek melumatqa érishish üchün, uni bügünki söhbet pirogrammimizgha teklip qilduq.

Söhbitimizning tepsilatini yuqiriqi ulinishtin anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.