“Sherqiy türkistan üchün anatoliye sepiri” namliq pa'aliyet bursada bashlandi

Ixtiyariy muxbirimiz erkin tarim
2021-08-03
Share
“Sherqiy türkistan üchün anatoliye sepiri” namliq pa'aliyet bursada bashlandi “Sherqiy türkistan üchün anatoliye sepiri” namida pütün türkiyeni aylinip yürüp anglitish pa'aliyiti resim körgezmisi bilen bashlandi. 2021-Yili 3-awghust, bursa, türkiye.
RFA/Erkin Tarim

Lagér qurbanlirining uruq-tughqanliri we yéqinliri bir yérim yil burun “A'ilem qeyerde” mawzuluq pa'aliyet bashlighan bolup, kéyin bu pa'aliyetni “Xitay irqiy qirghinchiliqni toxtat, xitay jaza lagérlirini taqa, Uyghurlarni qul qilishni toxtat” dégen sho'arlar bilen “Millet nöwette” namda élip barghanidi. Bular uzundin buyan izchil halda istanbuldiki xitay konsulxanisining aldida namayish ötküzüp türk xelqining qollishigha érishti. Bu yashlar Uyghurlarning hazirqi éghir weziyitini türkiye ammisigha téximu yaxshi chüshendürüsh üchün “Sherqiy türkistan üchün anatoliye sepiri” namida pütün türkiyeni aylinip yürüp anglitish pa'aliyitini bashlidi. Bu pa'aliyetning birinchi békiti osmanli impériyesining paytexti bolghan bursa shehiride bashlandi. 2-Awghust küni bursa shehiridiki 15-iyul meydanida resim körgezmisi, ikkinchi küni orxan ghazi baghchisida imza toplash we resim körgezmisi pa'aliyiti élip bérildi.

Bu pa'aliyetke izchil halda aktip qatnishiwatqan yashlardin jewlan shirmemet ependi “Sherqiy türkistan üchün anatoliye sepiri” mawzuluq bu pa'aliyetni élip bérishtiki meqsitining sherqiy türkistandiki jaza lagérini barliq türkiye jama'etchilikige anglitish ikenlikini bayan qildi.

“Sherqiy türkistan üchün anatoliye sepiri” namida pütün türkiyeni aylinip yürüp anglitish pa'aliyiti resim körgezmisi bilen bashlandi. 2021-Yili 3-awghust, bursa, türkiye.
“Sherqiy türkistan üchün anatoliye sepiri” namida pütün türkiyeni aylinip yürüp anglitish pa'aliyiti resim körgezmisi bilen bashlandi. 2021-Yili 3-awghust, bursa, türkiye.

Jewlan shirmemet ependi 2-awghust küni 15-iyul meydanida ötküzülgen jaza lagérliri bilen Uyghurlarning éghir weziyiti bayan qilin'ghan körgezmini köp sanda kishining qiziqip ziyaret qilghanliqini bayan qildi.

“Sherqiy türkistan üchün anatoliye sepiri” mawzuluq pa'aliyetning ikkinchi küni bursa shehirining ulu meschitining aldidiki orxan ghazi baghchisida resim körgezmisi achqan ashu yashlarning biri mirza exmet ziyaritimizni neq meydandin qobul qilip, körgezmige lagérlar we türmilerge tashlan'ghan, lagérda öltürülgen ziyaliylar, alimlar, jama'et erbabliri, karxanichilar, dangliq shexsler we lagér qurbanlirining uruq-tughqanlirining süretlirining qoyulghanliqini bildürdi.

3-Awghust küni lagér qurbanliri yéqinliridin terkib tapqan 9 yash türkiyening bursa shehiride achqan körgezme jeryanida kishilerdin Uyghurlarni qollap imza qoyushinimu telep qilghan bolup, ular bu yighilghan imzalarni birleshken döletler teshkilati kishilik hoquqi kéngishige tapshurup béridiken. Mirzexmet ependi körgezmini aylan'ghan kishilerning nahayiti yaxshi inkaslarni bildürüwatqanliqini bayan qildi.

“Sherqiy türkistan üchün anatoliye sepiri” namliq pa'aliyetni élip bériwatqan 9 neper Uyghur yash bu seperning birinchi békiti bolghan bursa shehiride türk ammiwi teshkilatliridin “Yüsüp yüzlü” teshkilatiningmu qollap quwwetlishige érishken.

Bular sherqiy türkistan tonushturulghan waraqchilarni tarqatqandin sirt ammiwi teshkilat mes'ulliri, siyasiy partiyelerning wekilliri we sheherlik hökümetlerning mes'ulliri bilenmu körüshüp Uyghurlarning éghir weziyiti toghrisida melumat bergen. Mirzexmet ependi türkiyeni aylinip bu dewani anglitishtiki meqsitining kishilerge xitayning Uyghurlargha élip bériwatqanlirining irqiy qirghinchiliq ikenlikini qobul qildurushtin ibaret ikenlikini bayan qildi.

Lagér qurbanliri yéqinliri 2020-yili 12-ayning 18-küni istanbuldiki xitay konsulxanisining aldida “A'ilem qeyerde” we “A'ile nöwette” dégendek namlarda pa'aliyitini bashlighanidi. Pa'aliyet bu yil 3-féwral enqerediki xitay elchixanisining aldigha yötkelgen bolup, “A'ile nöwette” pa'aliyiti “Millet nöwette” pa'aliyitige özgertilgen. Pa'aliyetke gérmaniye, norwégiye, yaponiye, awstraliye we amérika qatarliq döletlerdin köplep lagér qurbanlirining yéqinliri awaz qoshqan bolup, “Millet nöwette” pa'aliyiti hazir dunyaning herqaysi jayliridimu élip bérilmaqta.

9 Neper Uyghur yashning bu qétimqi pütün türkiyeni aylinip, xitayning Uyghurlargha qaratqan qilmishlirini türk xelqige tonushturup, ularning Uyghurlarni qollishini qolgha keltürüsh seper pa'aliyiti türkiyediki Uyghur jama'itiningmu alqishi we qollishigha érishken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet