En'gliye puqralirining yérimi xitay mallirini bayqut qilmaqta

Korona wirusi seweblik en'gliye puqralirining yérimi dégüdek xitay mallirini bayqut qilmaqta iken.

En'gliyedin chiqidighan “Ékspréss” gézitining bu heqtiki bir doklattin neqil élip Xewer Qilishiche, xitay da'irilirining korona wirusini bir terep qilish usulidin ghezeplen'gen yérimdin köprek en'gliye puqrasi xitay mallirini bayqut qilghan.

Bularning arisida beziliri xitay mallirini élishni pütünley toxtatqan bolsa, beziliri xitay mallirini qismet bayqut qilghan.

Xewerde körsitishiche, bu heqtiki doklatini “Redféyld we wilton” tetqiqat jem'iyiti intérnét arqiliq élip barghan ray sinashqa asasen teyyarlighan. Ray sinashta en'gliye nopusining 49 pirsentining xitay mallirini élishni bayqut qilghanliqi, 51 pirsentining xitay mallirini élishini dawam qiliwatqanliqi bayqalghan.

Xewerge qarighanda yene, nöwette en'gliyede xitay mallirigha qaritilidighan jaza béjini ashurush pikirini qollaydighanlarmu köpiyishke bashlighan.

Melumatlargha qarighanda, korona wirusi seweblik yirikleshken en'gliye-xitay munasiwetliri xitayning xongkonggha qaratqan basturush heriketliri we xongkonggha munasiwetlik xewpsizlik qanunining xitay xelq qurultiyida maqulluqtin ötüshige egiship téximu yamanlashqan.

Xitay mallirini bayqut qilish sadaliri, amérikinimu otturigha chiqishqa bashlighan.

Amérika kéngesh palatasi ezasi rik skot yéqinda “Xitay kommunist partiyesi hakimiyet béshidiki xitayda ishlen'gen mehsulatlarni héchkim almasliqi lazim” liqini bildürgen idi.