Америка ташқи ишлар министири билинкен хитай зияритини башлиди

Америка ташқи ишлар министири антоний билинкен билән хитай ташқи ишлар министири чин гаң бейҗиңдики дявйүтәй дөләт меһманханисида қол елишип көрүшти. 2023-Йили 18-июн, бейҗиң

Америка-хитай мунасивәтлири совуған мәзгилдә америка ташқи ишлар министири антони билинкен йәкшәнбә йәни 2023-йили 6-айниң 18-күни хитайға йетип кәлди.

AP

AP

Америка ташқи ишлар министири антони билинкен билән хитай ташқи ишлар министири чин гаң бейҗиңдики дявйүтәй дөләт меһманханисида көрүшти.

AP

Бирләшмә агентлиқиниң хәвиригә қариғанда, билинкен чин гаң билән йәкшәнбә күнидики тунҗи қетимлиқ учришиштин бурун мухбирларға бәргән баянида бу қетимқи зиярәт һәққидә маһийәтлик учурларни ашкарилимиған.

Ахбаратларға қариғанда, билинкенниң дүшәнбә күни хитай сиясий биюросиниң әзаси, хитай мәркизи ташқи ишлар ишханисиниң мудири ваң йи вә хитайниң рәиси ши җинпиң билән көрүшүши мумкин икән.

Билинкенниң мәзкур зиярити америка бу йил февралда хитай җасуслуқ шарини етип чүшүрүвәткән, хитайниң җәнубий деңиз вә тәйвән боғузидики иғвагәрчилик һәрикәтлири қатарлиқ бир қатар кризислар түпәйли икки дөләт арисидики зиддийәт вә риқабәт күнсери күчийиватқан мәзгилгә тоғра кәлди.

Билинкен хитай сәпирини башлаштин бурун японийәниң ташқи ишлар вәзири һаяши йошимаса вә җәнубий корейә ташқи ишлар министири парк җин билән сөһбәтләшкән иди.

Билинкен лондонға бериштин бурун йәкшәнбә вә дүшәнбә күни хитайда зиярәттә болиду.