Awstraliye Uyghur jem'iyiti qiyin ehwaldiki Uyghur musapirlarni awstraliyege yerleshtürüsh toghrisida hökümetke telep sun'ghan

Enqeredin ixtiyariy muxbirimiz erkin tarim teyyarlidi
2024.05.31
Mehmet-chelepchi-1 Awstraliye köchmenler ministiri andrew giles(Andrew Giles) xanim sidnéydiki her qaysi jama'et we ammiwi teshkilatlarning mes'ullirini chaqirip achqan yighin'gha Uyghurlargha wakaliten mehmet jelepchi(ongda) ependi qatnashqan. 2024-Yili 27-may, sidnéy, awstraliye.
RFA/Erkin Tarim

Awstraliye köchmenler ministiri andréw giles (Andrew Giles) xanim sidnéydiki her qaysi jama'et we ammiwi teshkilatlarning mes'ulliri ishtirak qilghan bir yighin chaqirip, 2024-2025-yilliq köchmenler xizmet pilani toghrisida pikir alghan. Bu yighin'gha Uyghurlargha wakaliten awstraliye Uyghur jem'iyitining bayanatchisi mehmet jelepchi qatnashqan bolup, u köchmenler ministirigha Uyghurlarning telipini sun'ghan.

Awstraliye köchmenler ministiri andrew giles(Andrew Giles) xanim sidnéydiki her qaysi jama'et we ammiwi teshkilatlarning mes'ullirini chaqirip achqan yighindin körünüsh. 2024-Yili 27-may, sidnéy, awstraliye.
Awstraliye köchmenler ministiri andrew giles(Andrew Giles) xanim sidnéydiki her qaysi jama'et we ammiwi teshkilatlarning mes'ullirini chaqirip achqan yighindin körünüsh. 2024-Yili 27-may, sidnéy, awstraliye.
RFA/Erkin Tarim

Awstraliye Uyghur jem'iyitining bayanatchisi mehmet jelepchi ependi bu munasiwet bilen ziyaritimizni qobul qilip, mezkur yighin toghrisida melumat berdi. U, mundaq dédi: “5-Ayning 27-küni awstraliye köchmenler ministirliqi sidnéydiki muhim ammiwi teshkilatlarning mes'ullirini chaqirip, awstraliyening 2024-2025-yilliri köchmen musapirlarni qobul qilish ishliri toghrisida köz qarash we teklip pikirlirini aldi. Yighin'gha köchmenler ministiri andréw giles xanim, mezkur ministirliqning bir qisim emeldarliri, shundaqla 30 etrapida jama'et we teshkilatning mes'ulliri hemde birleshken döletler teshkilatining kishilik hoquq komitétidin bir wekil ishtirak qildi. ”

Awstraliye köchmenler ministiri andrew giles(Andrew Giles) xanim sidnéydiki her qaysi jama'et we ammiwi teshkilatlarning mes'ullirini chaqirip achqan yighindin körünüsh. 2024-Yili 27-may, sidnéy, awstraliye.
Awstraliye köchmenler ministiri andrew giles(Andrew Giles) xanim sidnéydiki her qaysi jama'et we ammiwi teshkilatlarning mes'ullirini chaqirip achqan yighindin körünüsh. 2024-Yili 27-may, sidnéy, awstraliye.
RFA/Erkin Tarim

Awstraliye Uyghur jem'iyiti bu yighinda köchmenler ministirliqigha Uyghur musapirlar toghrisida bir qatar tekliplerni sun'ghan. Mehmet jelepchi ependi mezkur teklipning mezmuni toghrisida mundaq dédi: “Biz awstraliye hökümitidin, Uyghur xelqining irqiy qirghinchiliqqa uchrawatqanliqini nezerde tutup, chet ellerdiki xitaygha qayturulush xewpi astida qalghan Uyghurlargha awstraliye köchmenler ministirliqining xizmet pilani ichide alahide san ajritishqa, shundaqla töwendiki ehwaldiki Uyghurlarni awstraliyege yerleshtürüshini telep qilduq. Bular birinchisi, taylandning tutup turush orni we türmiliride 10 yildin buyan tutup turuluwatqan Uyghur tutqunlar؛ ikkinchisi, se'udi erebistan, marakesh, pakistan we afghanistan qatarliq bir qisim döletlerde qanunluq turush ruxsiti bolmighan Uyghur musapirlar. Üchinchisi, chet ellerde turuwatqan, emma qolidiki xitay pasportining mudditi toshup ketken Uyghurlar, shundaqla ularning chet ellerde tughulghan baliliri. Köchmenler ministiri andréw giles xanim özining ötken yili taylandqa élip barghan ziyariti jeryanida taylandta tutup turuluwatqan Uyghurlar toghriliq tayland hökümitining munasiwetlik rehberliri bilen sözleshkenlikini bayan qildi. ”

Mehmet jelepchi ependi, awstraliye puqrasi bolup bolghan Uyghurlar toghrisidimu bezi teleplerni köchmenler ministirigha yetküzgenlikini bayan qildi. U, mundaq dédi: “Yene bir mesile shuki, awstraliye puqrasi bolghan Uyghurlar xitay wizisi élish üchün iltimas sun'ghan chaghda, ulardin awstraliyede menggülük turush hoquqini qandaq alghanliq toghrisida resmiy ispat telep qilidu. Bizningche, bu qanunsiz bir mu'amilidur. Mushu seweb bilen biz awstraliye hökümitining xitay da'iriliri bilen körüshüp, awstraliye wetendishi bolghan Uyghurlarning heq-hoquqini qoghdishini we bu yerdimu ularning heq-hoquqining depsende qilinishining aldini élishini, shundaqla xitaydin bu xil adaletsiz qilmishlargha xatime bérishini telep qilishini otturigha qoyduq. ”

Awstraliye köchmenler ministiri andrew giles(Andrew Giles) xanim sidnéydiki her qaysi jama'et we ammiwi teshkilatlarning mes'ullirini chaqirip achqan yighindin körünüsh. 2024-Yili 27-may, sidnéy, awstraliye.
Awstraliye köchmenler ministiri andrew giles(Andrew Giles) xanim sidnéydiki her qaysi jama'et we ammiwi teshkilatlarning mes'ullirini chaqirip achqan yighindin körünüsh. 2024-Yili 27-may, sidnéy, awstraliye.
RFA/Erkin Tarim

Mehmet jelepchi ependining bildürüshiche, u özi bu teleplerni aghzaki otturigha qoyghan bolup, bu mesililerni resmiy bir doklat sheklide teyyarlap aldimizdiki künlerde köchmenler ministirliqigha sunidiken.

Undaqta, mehmet jelepchi ependining Uyghurlar toghrisidiki bu doklatidin birer netije chiqish mumkinchiliki qanchilik? u bu so'alimizgha mundaq jawab berdi: “Awstraliye hökümiti Uyghur musapirlargha yardem bérish üchün qedem alidu, dep oylaymen. Awstraliye wetendishi bolghan kishilerdin awstraliye puqraliqini qandaq alghanliqi toghrisida xitay konsulxana yaki elchixanilirining ispat telep qilishi ghelite ish. Awstraliye öz puqralirining heq we hoquqini qoghdash meqsitide bolsimu heriketke ötidu, dep qaraymen. ”

Awstraliye Uyghur jem'iyitining re'isi mehmet obul ependi bu heqte téléfon ziyaritimizni qobul qilip, Uyghur qirghinchiliqi dunyada bilinip ketken bügünki künde, bu xil teleplerge awstraliye hökümitiningmu ehmiyet béridighanliqigha ishinidighanliqini bildürdi.

Awstraliye jenubiy yérim shardiki muhim döletlerning biri bolup, Uyghur muhajirlar eng burun bérip yerleshken döletlerning biri hésablinidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.