Сабиқ сода министири австралийә даирилирини хитай билән болған иқтисадий мунасивәтлирини пүтүнләй үзүшкә чақирди

Мухбиримиз мәмәтҗан җүмә
2021-04-04
Share
Сабиқ сода министири австралийә даирилирини хитай билән болған иқтисадий мунасивәтлирини пүтүнләй үзүшкә чақирди Җәнубий австралийә штатиниң сабиқ сода министири том кәнйон.
Social Media

Җәнубий австралийә штатиниң сабиқ сода министири австралийә даирилирини хитай билән болған иқтисадий мунасивәтлирини пүтүнләй үзүшкә чақирған.

Әнглийәдин чиқидиған "күндилик мәктуплар гезити" ниң хәвиригә қариғанда, сабиқ сода министири том кәнйон илгири австралийәниң аделайд шәһиридә турушлуқ хитай әлчиханисиниң әң чоң қоллиғучиси болуп, һазир у хитай компартийәси сәвәблик австралийә-хитай мунасивәтлириниң барғанчә яманлишидиғанлиқини вә уни яхшилаймиз дәп аварә болушниң һаҗити йоқлиғини ейтқан.

Мәлум болушичә, том кәнйон җәнубий австралийә штатиниң сода министири болуп вәзипә өтигән мәзгилдә хитай билән болған сода алақисини илгири сүрүш үчүн хитайниң аделайд шәһиридә консулхана ечишини қоллап қуввәтлигән икән.

У өз мәйданниң өзгиришигә сәвәб болған амиллар һәққидә тохтилип: "буларниң һәммиси нөвәттики һәмдә хитайниң һазирқи мәңгүлүк президенти ши җинпиң һакимийәтни өткүзүвалғандин кейинки бир нәччә ай ичидә өзгәрди," дегән.

У йәнә австралийә-хитай мунасивәтлириниң барғанчә яманлишип баридиғанлиқини билдүргән вә мундақ дегән: "мәсилиниң түгүни хитай компартийәсидә, чүнки у ғәрбниң әркинлики вә қиммәт қаришиға дүшмән вә ят бир органдур."

Өткән йили апрел австралийә баш министири скот моррисон корона вирусиниң мәнбәси үстидә мустәқил тәкшүрүш елип беришни тәләп қилғандин кейин, австралийә-хитай мунасивәтлири йириклишишкә башлиған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт