Sabiq soda ministiri awstraliye da'irilirini xitay bilen bolghan iqtisadiy munasiwetlirini pütünley üzüshke chaqirdi

Muxbirimiz memetjan jüme
2021-04-04
Share
Sabiq soda ministiri awstraliye da'irilirini xitay bilen bolghan iqtisadiy munasiwetlirini pütünley üzüshke chaqirdi Jenubiy awstraliye shtatining sabiq soda ministiri tom kenyon.
Social Media

Jenubiy awstraliye shtatining sabiq soda ministiri awstraliye da'irilirini xitay bilen bolghan iqtisadiy munasiwetlirini pütünley üzüshke chaqirghan.

En'gliyedin chiqidighan "Kündilik mektuplar géziti" ning xewirige qarighanda, sabiq soda ministiri tom kenyon ilgiri awstraliyening adélayd shehiride turushluq xitay elchixanisining eng chong qollighuchisi bolup, hazir u xitay kompartiyesi seweblik awstraliye-xitay munasiwetlirining barghanche yamanlishidighanliqini we uni yaxshilaymiz dep aware bolushning hajiti yoqlighini éytqan.

Melum bolushiche, tom kenyon jenubiy awstraliye shtatining soda ministiri bolup wezipe ötigen mezgilde xitay bilen bolghan soda alaqisini ilgiri sürüsh üchün xitayning adélayd shehiride konsulxana échishini qollap quwwetligen iken.

U öz meydanning özgirishige seweb bolghan amillar heqqide toxtilip: "Bularning hemmisi nöwettiki hemde xitayning hazirqi menggülük prézidénti shi jinping hakimiyetni ötküzüwalghandin kéyinki bir nechche ay ichide özgerdi," dégen.

U yene awstraliye-xitay munasiwetlirining barghanche yamanliship baridighanliqini bildürgen we mundaq dégen: "Mesilining tügüni xitay kompartiyeside, chünki u gherbning erkinliki we qimmet qarishigha düshmen we yat bir organdur."

Ötken yili aprél awstraliye bash ministiri skot morrison korona wirusining menbesi üstide musteqil tekshürüsh élip bérishni telep qilghandin kéyin, awstraliye-xitay munasiwetliri yiriklishishke bashlighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet