Австралийә “бир йол бир бәлвағ қурулуши келишими” ни бикар қилған

Мухбиримиз мәмәтҗан җүмә
2021-04-25
Share
Хитайниң австралийәгә қарши дипломатик һуҗумни күчәйтишидики бирқанчә сәвәбләр Австралийә баш министири сикот моррисон(Scott Morrison) канберрада өткүзүлгән мухбирларни күтүвелиш йиғинида сөз қилмақта. 2020-Йили 13-ноябир, австралийә.
Photo: RFA

Австралийәниң викторийә штатлиқ һөкүмити билән бейҗиң оттурисида түзүлгән “бир йол-бир бәлвағ қурулуши келишими” бикар қилинған.

“асман хәвәрләр тори” ниң билдүрүшичә, мәзкур келишимни австралийә ташқи ишлар министири йеңи мақулланған “ташқи мунасивәт қануни” дин пайдилинип 24-апрел кәчтә әмәлдин қалдурған.

Мәлум болушичә, бу келишим федератип һөкүмәт австралийәниң дөләт мәнпәәтигә зит, дәп қаралғандин кейин бикар қилишни таллиған төт келишимниң бири икән.

2020-Йили декабир австралийә парламенти “ташқи мунасивәт қануни” мақуллиған болуп, қанунда австралийә федератсийә һөкүмитигә австралийәниң штатлиқ һөкүмәтлири башқа әлләр билән түзгән келишимләрни бикар қилиш һоқуқи берилгән иди.

“асман хәвәрләр тори” ниң нәқил қилишичә, бу һәқтә тохталған австралийә истратегийәлик сиясәт тәтқиқат институтиниң тәтқиқатчиси майкел шобриҗ: “хитайниң австралийәгә қарши техиму көп иқтисадий мәҗбурлаш иқтидарини төвәнлитишимиз вә хитай билән болған чоңқур иқтисадий алақидики ғайәт зор хәтәрни гәвдиләндүрүшимиз керәк,” дегән.

У йәнә, 2020-йили хитайниң юмшақ күч истратегийәсиниң дуня миқясида йимирилишкә башлиғанлиқини ейтқан.

Келишим 2018-йили викторийә штатиниң рәиси данийел андревс билән хитайниң австралийәдә турушлуқ баш әлчиси че җиңйе арисида имзаланған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт