Awstraliye “Bir yol bir belwagh qurulushi kélishimi” ni bikar qilghan

Muxbirimiz memetjan jüme
2021-04-25
Share
Xitayning awstraliyege qarshi diplomatik hujumni kücheytishidiki birqanche sewebler Awstraliye bash ministiri sikot morrison(Scott Morrison) kanbérrada ötküzülgen muxbirlarni kütüwélish yighinida söz qilmaqta. 2020-Yili 13-noyabir, awstraliye.
Photo: RFA

Awstraliyening wiktoriye shtatliq hökümiti bilen béyjing otturisida tüzülgen “Bir yol-bir belwagh qurulushi kélishimi” bikar qilin'ghan.

“Asman xewerler tori” ning bildürüshiche, mezkur kélishimni awstraliye tashqi ishlar ministiri yéngi maqullan'ghan “Tashqi munasiwet qanuni” din paydilinip 24-aprél kechte emeldin qaldurghan.

Melum bolushiche, bu kélishim fédératip hökümet awstraliyening dölet menpe'etige zit, dep qaralghandin kéyin bikar qilishni tallighan töt kélishimning biri iken.

2020-Yili dékabir awstraliye parlaménti “Tashqi munasiwet qanuni” maqullighan bolup, qanunda awstraliye fédératsiye hökümitige awstraliyening shtatliq hökümetliri bashqa eller bilen tüzgen kélishimlerni bikar qilish hoquqi bérilgen idi.

“Asman xewerler tori” ning neqil qilishiche, bu heqte toxtalghan awstraliye istratégiyelik siyaset tetqiqat institutining tetqiqatchisi maykél shobrij: “Xitayning awstraliyege qarshi téximu köp iqtisadiy mejburlash iqtidarini töwenlitishimiz we xitay bilen bolghan chongqur iqtisadiy alaqidiki ghayet zor xeterni gewdilendürüshimiz kérek,” dégen.

U yene, 2020-yili xitayning yumshaq küch istratégiyesining dunya miqyasida yimirilishke bashlighanliqini éytqan.

Kélishim 2018-yili wiktoriye shtatining re'isi daniyél andréws bilen xitayning awstraliyede turushluq bash elchisi ché jingyé arisida imzalan'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet