Австралийәдики уйғур ача-сиңиллар хәлқаралиқ марка яратқан

Мухбиримиз мәмәтҗан җүмә
2021-05-02
Share
Австралийәдики уйғур ача-сиңиллар хәлқаралиқ марка яратқан Хәлқаралиқ марка яратқан австралийәдики уйғур ача-сиңил нигарә мөмин вә мәвлүдә мөмин.
Social Media

Хитайдин қечип австралийәгә йәрләшкән уйғур ача-сиңиллар өз тиришчанлиқи билән бир хәлқаралиқ мода кийим маркисини дуняға кәлтүргән.

С б с хәвәрләр торида көрситишичә, уйғур қизи нигарә мөмин вә мәвлүдә мөмин 2000-йилларниң бешида уйғур елидики юрт-маканини ташлап қечишқа мәҗбур болған. Мәвлүдә әйни чағда әмдила 8 яшта икән.

Улар аниси билг бирликтә австралийәгә кәлгәндин кейин тиришип оқуп кәлгүси мувәппәқийити үчүн асас салған вә 2018-йили сидней шәһириниң ават районлиридин бири болған гринакер районида "Twiice Boutique" дәп атилидиған бир мода кийим сетиш вә лайиһәләш дукинини ачқан.

Улар асаслиқи диний йосунидики мода кийимләрни лайиһәләп сатидиған болуп, улар азғина кәм үч йилда дуня миқясида тонулушқа башлиған вә дукининиң сани иккигә йәткән.

Мәвлүдә мундақ дегән: "биз, херидарлиримизниң һәшәмәтлик мал сетивелиш җәрянини бешидин өткүзүшини үмид қилаттуқ. Биз бу хилдики мода кийимләрниң арқа кочиларда яки дуканда болушини халимамайтуқ."

Мәлум болушичә һазир уларниң дуняниң һәммә йеридә херидарлири бар болуп, улар маллирини почта арқилиқ йирақтики херидарлириға йәткүзидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт