Kanada elchisi b d t ni Uyghurlargha qaritilghan irqiy qirghinchiliqqa a'it delil-ispatlarni tekshürüshke chaqirdi

Muxbirimiz jüme
2020-11-15
Share
Bob_Rae.jpg Kanadaning birleshken döletler teshkilatida turushluq bash elchisi bob réy ependim.
Social Media

Kanadaning birleshken döletler teshkilatida turushluq bash elchisi b d t ning kishilik hoquq kéngishini xitayning Uyghurlargha qaratqan ziyankeshliklirining irqiy qirghinchiliq katégoriyesige yatidighan yatmaydighanliqi üstidin tekshürüsh élip bérishqa chaqirghan.

Bob réy bu sözlerni kanada médiya shirkiti s b s ning ziyaritini qobul qilghanda otturigha qoyghan.

U mundaq dégen: "Shübhisizki, xitayning qiliwatqanlirining irqiy qirghinchiliq ehdinamisidiki irqiy qirghinchiliqning éniqlimisigha mas kélidighan terepliri bar. Emma, ehwal shundaq iken, u sizdin uchur toplash jeryanini bashtin kechürüshni hemde bu xil eyibleshni qollaydighan delil-ispatlargha érishkenlikimizni jezmleshtürüshni telep qilidu."

Aldinqi ayda, kanada awam palatasi tarmaq komitéti doklat élan qilip, xitayning musulman az sanliq milletlerge qarita yürgüzüwatqan jaza lagérliri, keng kölemlik tutup turush, mejburiy emgekke sélish we nopusni kontrol qilish qatarliq qilmishlirining irqiy qirghinchiliqqa bérilgen éniqlimilargha del kélidighanliqi bildürgen idi.

Melum bolushiche, bob réy ilgiri kanadaning birmida turushluq alahide elchisi bolup wezipe ötigen. U ziyaret jeryanida yene, kanadaning Uyghur xelqining nidasigha qulaq yopurup turalmaydighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet