Turghunjan alawudun b d t da Uyghur irqiy qirghinchiliqi we xitayning diniy basturushlirini ereb tilida otturigha qoydi

Bérndin ixtiyariy muxbirimiz hebibulla izchi teyyarlidi
2025.03.17
Turghunjan-Alawudun-bdt-jenwe-1024 Dunya Uyghur qurultiyi re'isi turghunjan alawudun jenwediki birleshken döletler teshkilatining bash ishtabida. 2025-Yili 17-mart, jenwe
RFA/Hebibulla Izchi

17-Mart shiwétsariyening jenwe shehiridiki b d t bash ishtabida, 58-nöwetlik kishilik hoquq kéngishi dawam qiliwatqan bolup, bu yighin mezgilide dunya Uyghur qurultiyidin bir hey'et bu yighin'gha qatnishish üchün jenwege yétip kelgen.

Dunya Uyghur qurultiyining re'isi turghunjan alawudun bügün chüshtin burunqi b d t kishilik hoquq kéngishide Uyghurlargha wakaliten söz qilghan, u sözini b d t da ishlitilidighan resmiy tillardin biri bolghan ereb tilida qilishi bu yighinda eng köp ereblerning qollishi bilen awazgha érishiwatqan xitay wekillirini ganggiritip qoyghan.

Ongdin solgha dunya Uyghur qurultiyining sabiq re'isi dolqun eysa, dunya Uyghur qurultiyining nöwettiki re'isi turghunjan alawudun, mu'awin re'isi zumret'ay erkin, dunya Uyghur qurultiyining uchur teshwiqat merkizining mes'uli iptixar abduréshit jenwediki birleshken döletler teshkilatining bash ishtabida. 2025-Yili 17-mart , jenwe
Ongdin solgha dunya Uyghur qurultiyining sabiq re'isi dolqun eysa, dunya Uyghur qurultiyining nöwettiki re'isi turghunjan alawudun, mu'awin re'isi zumret'ay erkin, dunya Uyghur qurultiyining uchur teshwiqat merkizining mes'uli iptixar abduréshit jenwediki birleshken döletler teshkilatining bash ishtabida. 2025-Yili 17-mart , jenwe
RFA/Hebibulla Izchi

Bu qétimqi kéngeshte köp sanliqni teshkil qilghan ereb ellirining wekilliri Uyghurlarning ramizanda roza tutalmasliqi, meschitlerge baralmasliqi, qur'an we dini pa'aliyetlerning cheklinishini tunji qétim anglighandek heyran qalghan bolup, b d t yighin zali sükünatqa chömgen.

Bu munasiwet bilen turghunjan alawudunni neq meydandin ziyaret qilduq, u radiyomiz arqiliq anglighuchilar bilen bu qétimqi yighinda otturigha qoyghanlirini ortaqliship ötti.

Dunya Uyghur qurultiyi bu yighin mezgilide b d t da bir yürüsh parallél yighinlar we lobi pa'aliyetlerni élip baridighan bolup, 17-mart künidin bashlap b d t aldida “Uyghur irqiy qirghinchiliqi” téma qilin'ghan üch künlük resim körgezmisi achqan. Dunya Uyghur qurultiyi mu'awin re'isi, xelq'ara munasiwetler diréktori zumret'ay erkinmu neq meydanda ziyaritimizni qobul qilip, bu heqtiki tepsilatlarni ortaqliship ötti.

Turghunjan alawudun b d t da qilghan sözide: “Xitayning Uyghurlargha qarita yürgüzüwatqini yalghuz diniy erkinlikke qilin'ghan basturush bolupla qalmay, belki Uyghur xelqining milliy kimliki, medeniyiti, insaniy qedir-qimmitige qilin'ghan qirghinchiliq ikenlikini tekitlesh bilen birge, b d t organliri, xelq'ara islam ittipaqini Uyghurlar bilen bir septe turushqa shundaqla bu kéngeshni b d t kishilik hoquq aliy komissarining doklatigha egishishke chaqiriq qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.