Бирюсселда 5-феврал ғулҗа қирғинчилиқини хатириләш намайиши елип берилди
2025.02.10
Ғулҗа қирғинчилиқи вә уйғур ирқий қирғинчилиқини тонуштуруш үчүн өткүзүлгән намайишта д у қ ички ишлар комитети мудири әкбәр турсун мухбирниң зияритини қобул қилмақта. 2025-Йили 8-феврал, бирюссел.
RFA/Hebibulla Izchi
1997-Йили 5-феврал күни йүз бәргән ғулҗа яшлириниң наразилиқ намайишиниң хитай қораллиқ күчлири тәрипидин бастурулғанлиқиниң 28-йиллиқини хатириләш вә һазир давамлишиватқан уйғур ирқий қирғинчилиқини тонуштуруш мәқсәт қилинған намайиш 8-феврал, белгийә пайтәхти бирюсселниң шәһәр мәркизидә елип берилған.
Намайиш җәрянида белгийә уйғур җәмийити йәнә хитай қораллиқ күчлири вә сақчилириниң 5-феврал күнидики бастуруши, тутқун қилишини ипадиләйдиған түрлүк сүрәтләрни вә пилакатларни тизған болуп, намайиш мәйданиға тизилған бу сүрәтләрни көргән саяһәтчиләр вә белгийәликләр намайишчилардин соалларни сорашқан. Дуня уйғур қурултийи ички ишлар комитети мудири вә белгийә уйғур җәмийити рәиси әкбәр турсун бу намайиш һәққидики тәпсилатларни ортақлашти.
Намайишчилар йәнә тәшвиқат материяллири тарқитишқан. Бу қетимқи намайишқа белгийә пайтәхти бирюссел вә униң әтрапида яшайдиған уйғурлар қатнашқан болуп, белгийә уйғур җәмийитидин ғәйрәт әпәндиму бу намайиш һәққидә қисқичә өзиниң һессиятини ортақлашти.
Намайишчилар: “уйғурларға әркинлик”, “яшисун мустәқиллиқ”, “хитай шәрқий түркистандин йоқал”, “шәрқий түркистанға һөрийәт” дегәндәк шоарларни товлашқан. Бәзи саяһәтчиләр вә йәрликләр уйғур ирқий қирғинчилиқиниң йеқинқи замандики әң паҗиәлик бир намайәндиси болған ғулҗа қирғинчилиқи һәққидә вә уйғурларниң нөвәттики әһвали һәққидә хәвәрләрдин көргән-билгәнлирини бир-биригә чүшәндүрүп намайишчиларниң йенида намайиш түгигичә биргә туруп мәдәт беришкән.
Көп көрүлгән хәвәрләр
RFA
- Шинҗаң һөкүмити йеқинда тәмбур чалған уйғур қизниң видийосини тартқан хитай сәнәткарни җазалиған
- Хитай һөкүмити уйғур сәнәткарларни явропада оюн қойғузуп уйғур ирқий қирғинчилиқини ююшқа урунған дәп әйибләнмәктә
- Хитайниң юқири дәриҗилик әмәлдари уйғур районида хитай тилини кеңәйтиш вә терроризмға қарши турушқа чақириқ қилди
- Америка һөкүмити әкпәр әсәтниң тутқун қилинғанлиқиниң 9-йиллиқида униң қоюп берилишини тәләп қилди
- Хитай һөкүмити тайландниң йеңи йилини тәбрикләш тәшвиқат филимида уйғурдин пайдиланған
Көп көрүлгән хәвәрләр
Тәпсилий хәвәр
- Америка президенти трамп таможна беҗи мәсилисидә хитайға йәнә қаттиқ мәйданда болмақта
- Хитайниң америка билән сода урушини давамлаштуриши өзиниң иқтисадиға зор қийинчилиқ елип келидикән
- Уйғур кишилик һоқуқ қурулуши хәлқаралиқ меһманхана зәнҗирлириниң уйғур районида кеңийиватқанлиқини әйибләп доклат елан қилди
- Әркин асия радийоси уйғур бөлүми: хитайниң уйғурлар үстидики шәпқәтсиз һөкүмранлиқиниң зулмәтлирини йерип өткүчи нур
- Анализчилар: президент трампиниң хитайға қойған беҗи ши җинпиңниң һали әң хараб вақтиға тоғра кәлди