Bélgiye kuba jem'iyiti Uyghurlar bilen hemkarliship xitaygha qarshi naraziliq namayishi ötküzdi

Ixtiyariy muxbirimiz Uyghur'ay
2021-06-04
Share
Bélgiye kuba jem'iyiti Uyghurlar bilen hemkarliship xitaygha qarshi naraziliq namayishi ötküzdi 6-Ayning 3-küni bélgiye paytexti béryosséildiki xitay elchixanisining aldida bélgiye kuba jem'iyiti bilen bélgiye Uyghur jem'iyitining hemkarliqida xitaygha qarshi birleshme namayish ötküzülgen.
RFA/ Uyghuray

6-Ayning 3-küni bélgiye paytexti béryosséildiki xitay elchixanisining aldida bélgiye kuba jem'iyiti bilen bélgiye Uyghur jem'iyitining hemkarliqida xitaygha qarshi birleshme namayish ötküzülgen.

Beligiye-Kuba-Jemiyiti-Namayish-2.jpg

Igilishimizche, bélgiye kuba jem'iyiti xitayning Uyghurlargha qaratqan basturushi we zulumlirigha qarshi turush we uni toxtitishni telep qilish üchün bélgiye Uyghur jem'iyti bilen hemkarliship, bu qétimqi namayishni élip barghan iken.

Namayish bélgiye waqti chüshtin kéyin sa'et 2 de bashlinip, 3:30 axirlashqan. Bu namayishqa bélgiyediki kishilik hoquq pa'aliyetchiliri, türk pa'aliyetchiler we Uyghurlarni qollaydighan bashqa jama'etler, shundaqla bélgiyede yashawatqan Uyghur siyasiy aktipliri bolup 40 tin artuq kishi qatnashqan. Namayish nahayiti yoqiri keypiyatta élip bérilghan we ongushluq axirlashqan.

Bélgiye kuba jem'iyining re'isi lé'o ependi bu namayishni teshkilligen asasliq kishilerdin biri bulup, u bu qétimliq pa'aliyette alahide küch chiqarghan.

Belgiye-Kuba-Jemiyiti-Reisi-Leo.jpg
Bélgiye paytexti béryosséildiki xitaygha qarshi birleshme namayishni teshkilligen asasliq kishilerdin biri bélgiye kuba jem'iyining re'isi lé'o ependi. 2021-Yili 3-iyun. Béryosséil, bélgiye.

U namayishta qilghan nutuqida namayish meydanidiki kishilerge Uyghurlarning hazirqi ehwalini anglatqan we shundaqla bélgiye hökümitini Uyghurlarni qollashqa hemde Uyghur irqiy qirghinchiliqini tézraq étrap qilishqa chaqirighan.

Radiyomiz ziyaritimizni qubul qilghan lé'o ependi özlirining kommunist kuba hökümitige shundaqla uning ittipaqdishi bolghan xittay kommunist hökümitige qarshi ikenlikini bildürdi.

Melum bolghinidek, kuba komonist partiye hakimiyet béshida turuwatqan bir dölet bolup, sabiq sowét ittipaqi yiqilghandin kéyin kubaning kommunist xitay hökümiti bilen munasiwiti künsayin kücheygen.

Igilishimizche, xitayning Uyghurlargha qaratqan basturushlirining bélgiye kuba jem'iytiningmu déqitini tartishi we ularning xitay hökümitige qarshi Uyghurlar bilen bir septe turushi, xelq'arada Uyghurlarning nöwettiki weziyitige köngül bölüwatqan her sahe kishilirining köpiyiwatqanliqindin dérek béridiken.

Bu namayishqa qatnashqan ekber tursun ependi bu qétimqi namayi'ishning ehmiyiti we tepsilati heqqide melumat berdi.

Aldinqi ayda bélgiye parlaméntida Uyghur irqiy qirghinchiliq mesilisi üstide guwahliq bérish yighini échilghandin kiyin, bélgiyede Uyghurlar mesilisige köngül bölidighanlarning sani körünerlik ashqan. Shuning bilen birlikte, bélgiyede Uyghurlar mesilisige béghishlan'ghan türlük pa'aliyetler köpiyishke bashlighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet