Uyghur rehberler karl gérshmanning Uyghur dewasigha qoshqan töhpisi üchün ton kiydurdi

Muxbirimiz alim séyitof
2021-12-01
Share
Uyghur rehberler karl gérshmanning Uyghur dewasigha qoshqan töhpisi üchün ton kiydurdi Amérika döletlik démokratiyini ilgiri sürüsh fondining sabiq re'isi karl gérshman(Carl Gershman) ependining Uyghur dewasigha qoshqan töhpisige minnetdarliq bildürüsh üchün ton kiydürdi. 2021-Yili 30-noyabir, washin'gton.
Photo: RFA

30-Noyabir küni Uyghurlarning kishilik hoquqi we Uyghur dewasini uzun yillardin béri qollap kelgen amérika döletlik démokratiyeni ilgiri sürüsh fondining sabiq re'isi karl gérshman ependining Uyghur dewasigha qoshqan töhpisige minnetdarliq bildürüsh pa'aliyiti ötküzüldi.

Dunya Uyghur qurultiyi, Uyghur kishilik hoquq qurulushi we Uyghur herikiti teshkilatining hemkarliqida orunlashturulghan bu pa'aliyette karl gérshman ependining qilghan xizmetlirige we uning Uyghur dewasigha qoshqan töhpisige yuqiri baha bérildi.

Karl gérshman ependi 1984-yili amérika döletlik démokratiyeni ilgiri sürüsh fondining re'islik wezipisini bashlighan bolup, u yéqinda pénsiyege chiqquche bolghan pütkül xizmet hayatini kishilik hoquq we démokratiye ishlirigha béghishlighan. Karl gérshman ependi Uyghur dewasining xelq'aralishishi, sistémilishishidimu hel qilghuch rol oynighan. U amérika Uyghur birleshmisi, dunya Uyghur qurultiyi, Uyghur kishilik hoquq qurulushi we Uyghur herikiti teshkilatigha tunji bolup meblegh ajritip, Uyghur dawasining küchlinip xelq'ara munberlerde xitay hökümitini chöchütkidek halette bash kötürüshige asas yaratqan.

Pa'aliyette kishilik hoquqni ilgiri sürüsh fondi jem'iyitining hazirqi re'isi deymin wilson, mu'awin re'isi barbara xéyg, amérikaning ayallar hoquqi mesililiri boyiche b d t da turushluq sabiq elchisi kelliy kurriy xanim, kommunizm qurbanliri xatire fondi jem'iyiti bashliqi andru birmbérg, amérika diniy erkinlik komitéti mu'awin re'isi nuriy türkel, teywen parlaménti kishilik hoquq komitéti re'isi örkesh dölet, dunya Uyghur qurultiyi re'isi dolqun eysa, Uyghur kishilik hoquq qurulushi bashliqi ömer qanat, Uyghur herikiti bashliqi roshen abbas qatarliqlar söz qildi we uning xizmitige yuqiri baha berdi shuningdek uninggha teshekkürini bildürdi.

Karl gérshman ependining sheripige ötküzülgen bu pa'aliyetke yene Uyghurlargha yéqindin tonushluq bolghan en'gliye parlamént ezasi nusret gheni xanimmu qedem teshrip qildi.

Pa'aliyette karl gérshman ependige ton kiydürülüp Uyghurlarning minnetdarliqi yetküzüldi. Karl gérshman ependimu minnetdarliqini ipadilep söz qilip, Uyghur dewasining heqliq bir dewa ikenlikini, xitay hökümitining bügün Uyghurlargha irqiy qirghinchiliq yürgüzüwatqanliqini we buning toxtitilishi üchün özining Uyghurlar bilen bir septe turup, Uyghur dewasini dawamliq qollaydighanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet