Kent sékrétari: qoshmaq tughqanlirimiz bilen dastixanda oltursaq halal-haram démeymiz, choshqa göshinimu yeymiz

Muxbirimiz shöhret hoshur
2019-07-02
Élxet
Pikir
Share
Print
Metbu'atlarda tarqilip yürgen, Uyghur rayonida Uyghurlarning choshqa göshi yéyishke mejburliniwatqanliqi toghrisidiki xewerdin süretke élin'ghan.
Metbu'atlarda tarqilip yürgen, Uyghur rayonida Uyghurlarning choshqa göshi yéyishke mejburliniwatqanliqi toghrisidiki xewerdin süretke élin'ghan.
trad.cn.rfi.fr

Xitayning yighiwélish lagérlirigha adem toplashta aktip rol oynawatqan we xitayning qoshmaq tughqan siyasitini ijra qilishta bashlamchi boluwatqan xotendiki melum bir kent sékrétari bügün muxbirimizning ziyaritini qobul qilip, özining qoshmaq tughqini bilen bolghan munasiwiti heqqide melumat berdi. U bu jeryanda, wang we ma famililik qoshmaq tughqanlirining özlirige halal-haramni ayrimasliqni ögetkenliki, shunga qoshmaq tughqanliri gösh élip kelse, choshqa göshi bolsimu yeydighanliqini bayan qildi.

Biz xotende yighiwélish lagérlirigha adem toplashta eng aktip xizmet qiliwatqan kent kadirlirini ziyaret qilish dawamida, xotenning melum bir yézisidiki qoshmaq tughqan siyasitini ijra qilishta aktip wezipe ötewatqan we özi ülge boluwatqan bir sékrétar bilen söhbet ötküzduq.

Uyghur rayonida atalmish qoshmaq tughqan siyasiti, 2016‏-yildin, yeni chén chüen'go dewridin bashlap ijra qilin'ghan we herqaysi jaylarda qoshmaq tughqan heptiliki pa'aliyiti yolgha qoyulghan. Hazirghiche axbaratqa ashkarilan'ghan uchurlardin bu atalmish qoshmaq tughqanlarning a'ililerde nazaretchilik qilishtin bashqa, bu a'ilining örp-adetliri, jümlidin yashash usulini özgertishige pütün küchi bilen heriket qiliwatqanliqi melum؛ emma bezi weziyettin xewerdar kishiler bu urunushlarning asasen dégüdek ünüm bermigenliki, köpinche ahalilerning qattiq bésim we turmushtiki qiyinchiliqlirigha qarimay, halal-haram köz qarishida tewrinish bolmighanliqi, bolupmu, choshqa göshi yéyishni qobul qilghanlarni hökümet ziyapetliridin bashqa sorunlarda uchritishning mumkin emeslikini ilgiri sürmekte.

Toluq bet