Хитайдики мәмликәтлик әмгәк нәмуничиси: “қәшқәр вилайитидә балиларниң дин өгиниши түгитилди”

Қәшқәр вилайити маралбеши наһийиси чоңқурчақ йезисиниң сабиқ йезилиқ партийә ячейка секретари давут һашим илгири хитайда аталмиш “мәмликәтлик әмгәк нәмуничиси”, “йеңи җуңго қурулғандин буян җуңголуқларни тәсирләндүргән 100 шәхс” ниң бири,17 - нөвәтлик хәлқ қурултийи вәкили шундақла 2008 - йили хитайда өткүзүлгән олимпик тәнһәрикәт мусабиқисиниң мәшили уйғур елидин өткәндә мәшәл көтүргүчиләр намзатлиқиға киргүзүлгән компартийәгә садиқ шәхсләрдин бири.

Давут һашим илгири хитай баш министири вен җябавниң қобул қилишиға еришип, бейҗиңда униң өйидә мәхсус меһман болған вә хитай мәтбуатлирида вен җябавниң йеқин дости дәп тәрипләнгән иди.

Чоңқурчақ йезисиниң сабиқ йезилиқ партийә ячейка секретари давут һашим бүгүн радиомизниң зияритини қобул қилип нөвәттики чоңқурчақ йезисиниң рамизан ейидики сиясий вәзийитини баян қилиш билән биргә, өзиниң компартийәгә болған садақәтмәнлики тоғрисида тохталди.

Нөвәттә диққитиңлар, сабиқ секретар давут һашим билән елип берилған сөһбәт программисида болғай.

Юқириқи аваз улинишидин тәпсилатини аңлаң.