Myunxéndiki Uyghurlarning bu yilqi ramizanliq tesiratliri

Ixtiyariy muxbirimiz ekrem
2016-07-04
Share
myunxin-uyghur-iptar-2015-1.jpg Myunxéndiki Uyghurlar ötküzülgen iptarliq pa'aliyettin körünüshler. 2015-Yili 25-iyun gérmaniye
RFA/Ekrem

Myunxéndiki Uyghur jama'iti dunyaning her yéridiki Uyghurlargha oxshash bu yilqi ramizanni opche iptar we tilawet pa'aliyetliri bilen köngüllük ötküzdi.

Mubarek ramizan axirliship roza héytni kütüwélish harpisida, myunxéndiki Uyghur siyasiy we diniy zatliri tesiratlirini bayan qiliship, bu yilqi ramizanning opche iptar we du'a-tilawet bilen her yilqidek köngüllük ötkenlikini izhar qilishti.

D u q diniy ishlar komitéti mudiri turghunjan alawudun hajim bu heqte toxtalghanda, her hepte axiri myunxéndiki Uyghur réstoranlirida uyushturulghan iptar pa'aliyetliride, zulum astidiki Uyghur milliti üchün du'alar qilin'ghanliqini tilgha aldi. U sözide, chet'eldiki Uyghurlar erkin-azadilik ichide roza ibadetliri bilen meshghul bolalighan bolsimu, Uyghur ilidiki ramizanliq ibadetlerning bu yilmu éghir cheklimilerge uchrighanliqini tekitlidi.

Xelq'ara metbu'atlar bu yilqi ramizandimu xitayning Uyghur diyarida roza tutushni cheklesh, tarawi namazlirini nazaret qilish, ashxanilarni taqashqa yol qoymasliq, oqughuchilarning rozisini buzush, ahalilerni diniy pa'aliyetler bilen shughullanmasliq ehdinamilirige qol qoyushqa mejburlash qatarliq tedbirlerni 2015-yilidiki oxshashla ijra qiliwatqanliqini tekitleshken idi.

D u q ijra'iye komitéti mudiri dolqun eysa ependi bu toghrisida toxtalghanda, aldi bilen bu yilqi ramizanning myunxén shehiride yaxshi ötküzülgenlikini eskertti. U sözide, gerche bu yil ramizanda xelq'arada ötken yilqigha oxshash xitaygha qarshi namayish pa'aliyetliri élip bérilmighan bolsimu, xelq'ara metbu'atning Uyghur ilidiki ramizanliq pa'aliyetlerni jiddiy diqqetke alghanliqini izahlidi. Dolqun eysa ependi yene, xelq'ara metbu'atlarning bésimi seweblik xitay hökümitining Uyghur ilidiki ramizanliq cheklimilirini aqlashqa mejbur qalghanliqinimu qoshumche qildi.

Halbuki, xitay hökümiti 2-iyun küni shinxu'a agéntliqida élan qilghan “Shinjangning diniy étiqad erkinlik ehwali” namliq aqtashliq kitabida, Uyghurlarning “Tarixta misli körülmigen diniy erkinlik dewri” ni bashtin köchürüwatqanliqini ilgiri sürüp, bu yerdiki milyonlighan her millet xelqining toluq diniy étiqad erkinlikige ige ikenlikini ilgiri sürgen idi.

D u q neshriyat-teshwiqat komitéti mudiri perhat muhemmidi ependimu myunxéndiki Uyghurlarning bu yilliq ramizanni inaq-ittipaqliq ichide ötküzgenlikidin memnun bolghanliqini bildürdi.

Metbu'atlar we ijtima'iy taratqular ramizan bashlinishtin ilgiri Uyghur diyarida bir meydan tutqun qilish hadisilirining yüz bergenlikini, tor sahibliri, yazarliri we Uyghur aktiplirini qolgha élishning ewj alghanliqini bayan qilishqan, misranim torining sahibi ababekri muxter, tursunjan memet, baghdash torining sahibi ekberjan esed, bozqir blogining sahibi ömerjan hesen qatarliq 5 kishining qolgha élin'ghanliqini xewer qilishqan idi.

D u q bayanatchisi dilshat rishitmu 6-iyun xelq'ara metbu'atlargha bergen bayanatida qeshqer we aqsu rayonlirida ramizan'gha munasiwetlik halda 6-ayning 3-küni az dégende 17 Uyghurning qolgha élin'ghanliqini eskertken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet