Голландийәдики уйғурлар роза һейт намизида җәм болди

28‏-Июл бир ай рамзан розисини тамамлиған голландийәдики уйғурлар роза һейт намизида йәнә бир қетим җәм болди.

Әр-аял, қиз-йигит вә кичик балилар болуп, 150дин артуқ адәм қатнашқан мәзкур паалийәт, явропа шәрқий түркистан маарип җәмийитидә елип берилди.

Һейтлиқ кийимлири билән йирақ-йеқиндин кәлгән вәтәндашлар уйғурчә вәз-нәсиһәтләр муҗәссәмләшкән хутбидә, өз-ара иттипақлишишқа, селә-реһим қилишқа, әпу қилишқа вә достлишишқа чақирилди.

Җамаәт намаздин кейин өз-ара қол елишип көрүшүп, роза һейт байримини мубарәкләшти вә җәмийәт тәрипидин селинған дастихинида ғизалинип қайтишти.

Паалийәт әһлидин зияритимизни қобул қилған кишиләр гүзәл тиләклири вә хушал һес-туйғулирини радио аңлиғучилиримиз билән ортақлашти.