Gollandiyediki Uyghurlar ramizanliq mezmunluq pa'aliyetlerni élip bardi
2016.07.04
Gollandiyediki Uyghurlar ramizanning 27-küni we 28-künliri yawropa sherqiy türkistan ma'arip jem'iyitide jem bolup, tünek pa'aliyiti qildi.
Pa'aliyetni yawropa sherqiy türkistan ma'arip jem'iyiti orunlashturdi. Pa'aliyet gollandiyening zeyst shehirige jaylashqan mezkur jem'iyette élip bérildi. Pa'aliyetke er-ayal, chong-kichik bolup köp sanda adem qatnashti.
Pa'aliyette wez-tebligh, namaz-qira'et, du'a-salam, dostluq-qirindashliq, hal-ehwallishish we iftar-sohurluqta hemdastixan bolushtek mol mezmunluq programmilar orunlashturulghan bolup, ishtirakchilar özlirining bu yerde birge ibadet qilip ötküzgen chaghliridin razi bolghanliqini bildürdi.
Yawropa sherqiy türkistan ma'arip jem'iyiti 2013-yildin béri mezkur orunda muqimliship ma'arip, telim-terbiye, diniy, milliy we siyasiy pa'aliyetlerni dawam qilip kelmekte.