Zhurnalist sirajidin ezizi: bir qisim Uyghurlar hej qilmay wetinige qaytishqa mejbur bolmaqta

Xitay axbaratlirining xewer qilishiche, 17-séntebir béyjing ayrodromida bu yilqi hej pa'aliyitige qatnashquchi musulmanlarni uzitish murasimida xitay diniy ishlar komitéti, islam dini jem'iyiti qatarliq orunlarning emeldarliri bu yil xitaydin on töt ming besh yüz neper musulmanning hej pa'aliyitige qatnishidighanliqini bildürgen. Emma ular, buning ichide qanchilik Uyghurning hej qilidighanliqini tilgha almighan.

Biz bu munasiwet bilen hazir se'udi erebistanning mekke shehiride hijrette yashawatqan zhurnalist sirajidin ezizi bilen bu yilqi hej pa'aliyitige qatnishidighan Uyghurlarning sani we ulargha alaqidar bolghan bezi mesililer heqqide téléfon söhbiti élip barduq.

Söhbitimiz jeryanida zhurnalist sirajidin ezizi se'udi erebistan'gha öz ixtiyarliqi bilen hej qilghili kelgen bir qisim Uyghurlarning wetende uruq-tughqan we bala-chaqiliri “A'ile ezaliri qanunsiz hej pa'aliyetke qatnashqan” dep tutqun qilin'ghanliqi sewebidin hej pa'aliyitini terk étip wetinige qaytishqa mejbur bolghanliqini bildürdi.

Yuqiriqi awaz ulinishidin tepsilatini anglang.