Istanbulda ötküzülgen iptar pa'aliyitide Uyghurlar birlik-ittipaqliqqa chaqirildi

Ixtiyariy muxbirimiz arslan
2018.06.04
Share on WhatsApp
Share on WhatsApp
istanbul-iptar-paaliyiti-1.jpg

Istanbulda ötküzülgen iptar pa'aliyitidin körünüsh. 2018-Yili 2-iyun. RFA/Arslan

istanbul-iptar-paaliyiti-2.jpg

Istanbulda ötküzülgen iptar pa'aliyitidin körünüsh. 2018-Yili 2-iyun. RFA/Arslan

istanbul-iptar-paaliyiti-3.jpg

Istanbulda ötküzülgen iptar pa'aliyitidin körünüsh. 2018-Yili 2-iyun. RFA/Arslan

istanbul-iptar-paaliyiti-4.jpg

Istanbulda ötküzülgen iptar pa'aliyitidin körünüsh. 2018-Yili 2-iyun. RFA/Arslan

istanbul-iptar-paaliyiti-5.jpg

Istanbulda ötküzülgen iptar pa'aliyitidin körünüsh. 2018-Yili 2-iyun. RFA/Arslan

istanbul-iptar-paaliyiti-6.jpg

Istanbulda ötküzülgen iptar pa'aliyitidin körünüsh. 2018-Yili 2-iyun. RFA/Arslan

Ramizan pütün dunya musulmanlirining bir ay roza tutup, ta'et-ibadet bilen shughullinidighan shundaqla rehim-shepqet, meghpiret telep qilidighan éyi dep qarilidu.

Bash shtabi istanbuldiki sherqiy türkistan ma'arip we hemkarliq jem'iyiti ramizan éyi munasiwiti bilen 2-iyun, yeni shenbe küni istanbulning zeytinburnu rayonida zor tiptiki iptar ziyapiti pa'aliyiti ötküzdi. Bu qétimliq iptar ziyapitige istanbulda yashawatqan Uyghurlardin er-ayal bolup 2000 din artuq kishi qatnashti.

Iptar pa'aliyitige istanbuldiki sherqiy türkistan teshkilatlar birlikige eza ammiwi teshkilatlarning rehberliri we ezalirimu qatnashti.
Iptar pa'aliyiti qur'an kerim tilawiti bilen bashlandi. Andin sherqiy türkistan ma'arip we hemkarliq jem'iyitining re'isi hidayetulla oghuzxan söz qilip, jama'etning roza-ramizan éyini tebriklidi.

Hidayetulla oghuzxan bu qétimliq iptar pa'aliyitining istanbuldiki Uyghur jama'iti arisida qérindashliq we birlik-barawerlikni kücheytishni meqset qilghanliqini bildürdi.

Hidayetullah oghuzxan yene nöwette xitay da'irilirining Uyghur diyarida yürgüzüwatqan zulum we bésimlirining barghanséri éship kétiwatqanliqini, Uyghurlarning öz mewjutluqini saqlap qélish üchün küresh qilishi lazimliqini, chet'ellerdiki Uyghurlarningmu türlük qiyinchiliq we bésimlargha duch kéliwatqan bolsimu, emma imkaniyitining bariche tirishchanliq körsitiwatqanliqini bildürdi. U yene jama'etni düshmenning suyiqestlirige aldanmasliqqa, pitne-ighwalardin hoshyar turushqa we ularni birlik-ittipaqliqqa chaqiriq qildi.

Arqidin jama'et wekilliridin mexmutjan damollam we hebibulla küseni qatarliqlar söz qilip musulmanlar üchün roza-ramizanning ehmiyiti heqqide toxtaldi.

Axirida mexmutjan damollamning bashchiliqida weten ichidiki zulum we bésimlarning yoqilishi we Uyghur xelqining hörlükke érishishi üchün du'alar oquldi.

Iptar pa'aliyitige qatnashqan Uyghur pa'aliyetchilerdin adil ishan ependi ziyaritimizni qobul qilip, ulugh roza-ramizan munasiwiti bilen Uyghur xelqige ümid-ishench we jasaret tilidi. U Uyghurlarning bir yerge topliship pa'aliyet qilishning köp tereplimilik ehmiyetke ige ikenlikini, Uyghurlarning yalghuz yashiyalmaydighanliqini, ularning her zaman topliship birlik-barawerlikte yashashni xalaydighan bir millet ikenlikini, bügünki iptar pa'aliyitige qatnashqan nechche ming kishining buning ispati ikenlikini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.