Norwégiyede bir jüp yashning nikahi jumhuriyet künide oquldi

12 - Noyabir küni norwégiye Uyghur komitéti bilen Uyghur islam merkizi birlikte sherqiy türkistan jumhuriyet künini xatirilesh pa'aliti ötküzdi.

Ikki jumhuriyetni xatirilesh pa'aliyitide 1933 - yili we 1944 - yili 12 - noyabirda qurulghan sherqiy türkistan jumhuriyetlirining qurulush we meghlup bolush tarixi sözlendi, inqilabi qurbanlar eslep ötüldi shundaqla jama'et wekilliri nutuq sözlep, shéhitlarning rohigha atap xetmiqur'an oqudi.

Uyghur islam meschitining imami turghunjan qarim mundaq nutuq sözlidi.

Norwégiye Uyghur komitétining ayallar ishlirigha mes'ul re'isi zulpiye xanim ikki jumhuriyet heqqide özi yézip kelgen nesri esirini oqup bügünki pa'aliyetke kelgen qérindashlarning qelbini hayajan'gha saldi.

Komitétning teshwiqat ishlirigha mes'ul rehbiri perhat yaqup ependini ziyaret qilghinimizda u 9 - noyabir küni gjöwik shehiride ötküzülgen ikki jumhuriyetni xatirilesh pa'aliyiti heqqide mundaq toxtaldi:

12 - Noyabirdiki xatirilesh pa'aliyitide ikki jumhuriyetning tarixi ehmiyitini zor bilgen we chüshen'gen bir jüp yash bügünkidek tarixi ehmiyetlik künni özlirining nikah qilidighan küni qilip tallap pa'aliyetke yéngi mezmun qoshti.

Bu bir jüplerni ziyaret qilghinimizda ular özlirining yürek sözlirini mundaq izhar qildi.

Biz yene yéngi kélin zubeyde qizning apisi we bügünki pa'aliyetke kelgen xanimlarni ziyaret qilip ularning köngül sözlirini angliduq.

Sherqiy türkistan jumhuriyitini xatirilesh pa'aliyitige birleshtürüp élip bérilghan nikah chéyining axiri barliq shéhitlarning rohigha atap du'a qilish we bu bir jüp yashqa bext tileshler bilen köngüllük axirlashti.