Istanbulda "Sherqiy türkistan ölimalar birliki jem'iyiti" quruldi

Ixtiyariy muxbirimiz arslan
2016-01-18
Share
sherqiy-turkistan-olimalar-birliki-1.jpg Oxshimighan döletlerdin kelgen 30 din artuq Uyghur diniy alimlar istanbulda sherqiy türkistan ölimalar birliki jem'iyitini qurup chiqish yighinida. 2016-Yili 17-yanwar, türkiye.
RFA/Arslan

1-Ayning 15-künidin 17-künigiche dunyaning oxshimighan döletliride dini ilim tehsil qilghan we oxshimighan döletlerdiki bir qisim mektep we yaki islami tetqiqat merkezliride xizmet qiliwatqan 30 din artuq Uyghur diniy alim istanbulgha jem bolup yighin échip muzakire qilish netijiside "Sherqiy türkistan ölimalar birliki jem'iyiti" ning resmiy qurulghanliqini élan qildi.

"Sherqiy türkistan ölimalar birliki jem'iyiti" ning ghaye-meqsetliri néme? teshkili apparati qandaq we idare rehberlik hey'ette qanche kishi bar? xizmet saheliri qaysi? bu so'allarning jawabigha érishish üchün bu jem'iyetning re'isi bolup saylan'ghan, türkiye marmara uniwérsitétining oqutquchisi doktor atawullah shehyar we tetqiqatchi zhurnalist diniy alim sirajiddin ezizi bilen söhbet élip barduq.

Doktor atawullah shehyar ependi, "Sherqiy türkistan ölimalar birlikijem'iyiti" ning ghaye-meqsetliri toghrisida toxtilip mundaq dédi: "Xelqimizge dinni toghra bir shekilde anglitish, xelqimizge mumkin qeder eslige uyghun bir shekilde dinni yetküzüsh, diniy éhtiyajlirini qamdash üchün, xelqimizning diniy birliki we itiqadiy birlikini saqlap qélish, diniy jehette uniwérsitét sewiyiside oqughan yash qérindashlarni öz-ara birleshtürüsh, ularning arisida pikir birlikini saqlash, yéngidin yétiship chiqqan yashlarni otturigha chiqirish shundaqla her jehette bésimgha uchrawatqan Uyghur xelqini diniy jehettin bolsimu yéterlik derijide melumatlar bilen temin qilishni meqset qilimiz."

Doktor atawullah shehyar bu jem'iyetning we idare hey'et rehberliki we teshkili apparati toghrisida melumat berdi. Sherqiy türkistan ölimalar birliki jem'iyiti 30 etrapida mötiwer ölimalarning eza bolushi bilen qurulghan bolup, doktor atawullah shehyar re'islikke, diniy jehette istanbul uniwérsitétida doktorluq tetqiqat maqalisi yéziwatqan abduxaliq Uyghur bash katipliqqa saylan'ghan. Uningdin bashqa yene jem'iyetning idare hey'et rehberlikige 11 kishi teyinlen'gen.

Biz yene bu heqte téximu köp melumatqa ige bolush üchün jem'iyetning idare hey'et ezasi tetqiqatchi zhurnalist sirajiddin ezizi bilen söhbet élip barduq.
Sirajiddin ezizi ependi sherqiy türkistan ölimalar birliki jem'iyitini qurulushtiki meqsiti toghrisida toxtilip oz pikrini bayan qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.