Qaramayda yashlarni hidayetke bashlighuchi muhemmetjan abdulla (1)

Qaramay shehiridiki yashlarning islam dinini chüshinishige yardem bérip diniy teshwiqat terbiyisini muweppeqiyetlik élip barghan dewetchi merhum muhemmetjan abdulla 1975-yili xoten shehiri guma nahiyisi qara taghir yézisida bir dindar a'ilide dunyagha kelgen.

1994-Yilining axirida u islam dinini teshwiq qilish, Uyghurlarni toghra diniy étiqad chüshenchisige ige qilish üchün qaramay shehirige kelgen.

U aldi bilen kishiler bilen tonushush üchün nawayxanida, ushshaq tijaret bilen shughullinip qaramay shehirining jerenbulaq rayonida bir mezgil turghan. Bu yerde bir nechche ösmür balilarning qur'an sawatini chiqirip terbiyilesh élip barghan.

1995-Yili yilning béshida qaramay shehiridiki abdulla isimlik yash bilen tonushup, qaramay shehiride diniy teshwiq pa'aliyitini élip barghan.

Abdulla muhemmetjan bilen tonushup, uni ustaz tutup diniy bilimlerni igiligen we izchil türde muhemmetjan bilen birge diniy dewet ishliri bilen shughullan'ghan.

Biz muhemmetjan abdulla toghriliq tepsiliy melumatqa érishish üchün hazir melum bir dölette yashawatqan, shahit abdullani téléfon arqiliq ziyaret qilduq. U, merhum muhemmetjan abdullaning ish pa'aliyetlirini tonushturup ötti.