Diniy zat eysa qarim ramizanning xasiyiti we Uyghurlarning ramizan weziyiti heqqide pikir bayan qildi
2016.06.29
Gollandiyede yashawatqan diniy zat, siyasiy pa'aliyetchi eysa sawut ependi bügün muxbirimizning ziyaritini qobul qilip, ramizan éyining xasiyiti we roza tutushning hékmiti shundaqla Uyghur rayonidiki ramizan éyi weziyiti üstide pikir bayan qildi. Ramizan éyining musulmanlar üchün öz iradisini tawlash, birlik-barawerlikni mustehkemlesh éyi ikenlikini eskertken eysa sawut ependi, Uyghur rayonining nöwettiki éghir weziyitide zulum we heqsizliqqa qarita qelb bilen qarshi turush sheklining muhimliqini tekitlidi.
Eysa sawut ependi sözining axirida, weten ichide xitay kompartiyisige béqinmaydighan, sap eqidilik diniy zatlarning ashkara yaki yoshurun halda yenila mewjutluqini, shunga ramizanda cheklime yaki zorawanliqqa yoluqqan ahalilerning weziyetke qandaq mu'amile qilish mesiliside ene shu musteqil diniy zatlarning höküm we körsetmilirige egishishi kéreklikini eskertti.